சென்னை விமான நிலையத்தை சென்றடைந்தது பாடகி பவதாரணியின் உடல் (புதிய இணைப்பு)
புதிய இணைப்பு
இலங்கையிலிருந்து எடுத்து செல்லப்பட்ட பவதாரணியின் பூதவுடல் சற்றுமுன் சென்னை விமான நிலையத்தை சென்றடைந்துள்ளதாக தகவல்கள் கிடைக்கப்பெற்றுள்ளன.
எனினும் இறுதி கிரியைகள் தொடர்பான தகவல்கள் எதுவும் தெரிவிக்கப்படவில்லை.
பவதாரணியின் உடலைப் பெறுவதற்காக அவரது சகோதரர் கார்த்திக் ராஜா மற்றும் நடிகர் சுப்பு பஞ்சு அருணாச்சலம் ஆகியோர் சென்னை விமான நிலையத்தில் காத்திருந்தனர்.
இதேவேளை, தியாகராய நகரில் உள்ள இளையராஜாவின் இல்லத்திற்கு பவதாரணியின் உடல் கொண்டு செல்லப்படவுள்ளது.
மேலும், அங்கு கங்கை அமரனின் மகன் பிரேம்ஜி அமரன் உள்ளிட்ட குடும்பத்தினர் மற்றும் திரைப் பிரபலங்களும் இளையராஜாவின் வீட்டில் ஒன்று திரண்டுள்ளனர்.
தியாகராயநகரில் உள்ள இளையராஜா வீட்டில் பவதாரிணி உடல் பொது மக்கள் மற்றும் திரை உலகினர் அஞ்சலிக்காக வைக்கப்படவுள்ளது.
முதலாம் இணைப்பு
இளையராஜாவின் மகளும் பின்னணி பாடகியுமான பவதாரணியின் உடல் கட்டுநாயக்க விமான நிலையத்திற்கு கொண்டு செல்லப்படுகின்றது.
புற்றுநோயால் பாதிக்கப்பட்டிருந்த பவதாரணி கொழும்பில் உள்ள தனியார் வைத்தியசாலையில் சிகிச்சைப் பெற்று வந்த நிலையில் சிகிச்சைப் பலனின்றி நேற்றையதினம்(25) மாலை திடீரென உயிரிழந்தார்.
கொழும்பு தனியார் வைத்தியசாலையில் சடலம் வைக்கப்பட்டிருந்த நிலையில் மலர்சாலைக்கு எடுத்துச் செல்லப்பட்டது.
அதனை தொடர்ந்து, தற்போது, இந்தியா கொண்டு செல்வதற்காக அவரது உடல் கட்டுநாயக்க விமான நிலையம் நோக்கி கொண்டு செல்லப்படுகின்றது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
