மற்றுமொரு பேருந்தும் பள்ளத்தில் கவிழ்ந்தது! ஒருவர் பலி : 18 பேர் வைத்தியசாலையில்..
நாரம்மல, தம்பலஸ்ஸ பிரதேசத்தில் பேருந்து ஒன்று பள்ளத்தில் கவிழ்ந்து விபத்துக்குள்ளானதில், ஒருவர் உயிரிழந்துள்ளதுடன் 18 பேர் காயமடைந்துள்ளனர்.
அலவ்வயில் இருந்து நாரம்மலை நோக்கிப் பயணித்த பேருந்தே விபத்துக்குள்ளாகியுள்ளது.
மேலதிக விசாரணை
காயமடைந்த 7 பேர் குருநாகல் வைத்தியசாலையிலும், 11 பேர் நாரம்மல வைத்தியசாலையிலும் அனுமதிக்கப்பட்டுள்ளனர்.
விபத்தில் 51 வயதான நபர் உயிரிழந்ததுடன் விபத்து தொடர்பான மேலதிக விசாரணைகளை காவல்துறையினர் முன்னெடுத்துள்ளனர்.
மரத்தில் மோதிய பேருந்து
இதேவேளை, அநுராதபுரத்திலிருந்து கொழும்பு நோக்கிச் சென்ற தனியார் பேருந்தொன்று மரதன்கடவல பிரதேசத்தில் விபத்துக்குள்ளானதில் மாணவர்கள் இருவர் உட்பட 15 பேர் காயமடைந்த நிலையில், இன்று இரண்டாவது கோர விபத்து பதிவாகியுள்ளது.
நுகேகொடை விபத்து
அத்தோடு, நுகேகொடை கம்சபா சந்தியில் பேருந்து ஒன்றும் ஜீப் வண்டியொன்றும் மோதி ஏற்பட்ட விபத்தில் பலர் காயமடைந்துள்ளனர்.
ஹோமாகமவில் இருந்து கோட்டை நோக்கிப் பயணித்த பேருந்து ஒன்று மற்றுமொரு பேருந்தை முந்திச் செல்ல முற்பட்ட போது முன்னால் வந்த ஜீப் வண்டியுடன் மோதியதில் இந்த விபத்து இடம்பெற்றுள்ளது.
விபத்து இடம்பெற்ற போது பேருந்தின் சாரதி மற்றும் நடத்துனர் சம்பவ இடத்திலிருந்து தப்பிச் சென்றுள்ளதாக மேலும் தெரிவிக்கப்பட்டுள்ளது.
போக்குவரத்து சமிக்ஞை விளக்கு எரிந்த நிலையில் பேருந்தை ஓட்டுநர் செலுத்தியுள்ளதால் இந்த விபத்து ஏற்பட்டுள்ளதாக தெரிவிக்கப்படுகிறது.
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
