புற்று நோயாளிகள் தொடர்பில் வெளியான அதிர்ச்சி தகவல்

சர்வதேச சுகாதார திணைக்களங்களின் மதிப்பீட்டின்படி, உலகில் பதினெட்டு மில்லியனாக இருக்கும் புற்றுநோயாளிகளின் எண்ணிக்கை 2030 ஆம் ஆண்டளவில் இருபத்தி இரண்டு மில்லியனாக அதிகரிக்கும் என இலங்கை புற்றுநோய் சங்கத்தின் கண்டி கிளையின் மனநல மருத்துவர் யோகா அந்தோனி தெரிவித்தார். 

இலங்கை புற்றுநோய் சங்கத்தின் தலைமையில் கண்டி மாவட்ட செயலகத்தில் நேற்று (18) புற்று நோயைக் கட்டுப்படுத்துவது மற்றும் பரவுவது தொடர்பான விழிப்புணர்வு நிகழ்வில் கலந்து கொண்ட போதே வைத்தியர் மேற்கண்டவாறு தெரிவித்தார்.

விழிப்புணர்வினால் கட்டுப்படுத்த முடியும்

புற்று நோயாளர்களின் எண்ணிக்கை இவ்வாறாக அதிகரித்து வருகின்ற போதிலும், விழிப்புணர்வினால் அதனை கணிசமான அளவில் கட்டுப்படுத்த முடியும் என வைத்தியர் மேலும் குறிப்பிட்டுள்ளார். அங்கு பேசிய மருத்துவர் மேலும் கூறியதாவது,

2018ல் இறந்த புற்றுநோயாளிகளின் எண்ணிக்கை 2030ல் 17 மில்லியனாக இருக்கும், அதாவது 9.6 மில்லியனாக இருக்கும் என சுகாதார துறையினர் மதிப்பிட்டுள்ளனர்.

பொதுவாக ஆண்களுக்கு ஏற்படும் வாய் புற்று நோய் வெற்றிலை உண்பதால் ஏற்படுவதாக சுட்டிக்காட்டிய வைத்தியர், புகைபிடிப்பதால் நுரையீரல் புற்று நோய் உருவாகும் எனவும் தெரிவித்தார்.

தமிழர் பிரதேச பாடசாலை ஒன்றில் அதிபரை நியமிக்க கோரி மக்கள் போராட்டம்

 தீங்கு விளைவிக்கும் உணவுகளை கட்டுப்படுத்துவதன் மூலம்

மதுபானம் மற்றும் பிற தீங்கு விளைவிக்கும் உணவுகளை கட்டுப்படுத்துவதன் மூலம் உணவுக்குழாய் மற்றும் மலக்குடல் தொடர்பான புற்றுநோய்களை குறைக்க முடியும் என்றும் மருத்துவர் குறிப்பிட்டுள்ளார்.

புற்று நோய்களில் மூன்றில் ஒரு பங்கை முன்கூட்டியே கண்டறிவதன் மூலம் முழுமையாக அகற்ற முடியும் என்றும் மேலும் மூன்றில் ஒன்றை முன்கூட்டியே கண்டறிவதன் மூலம் கட்டுப்படுத்த முடியும் என்றும் அவர் கூறினார்.

உலகின் மிகவும் மதிப்பு மிக்க நிறுவனம் எது தெரியுமா..!

மஹரகம ஆசிபேஷ் வைத்தியசாலை, கண்டி தேசிய வைத்தியசாலை உள்ளிட்ட வைத்தியசாலைகளில் புற்று நோயாளர்களுக்கு வழங்கப்படும் சிகிச்சைகளுக்கு மேலதிகமாக, புற்று நோயாளர்களுக்கு மேலதிக மருந்துகளை வழங்குதல், உணவுடன் கூடிய குடியிருப்பு வசதிகள் மற்றும் பொதுமக்களுக்கு கல்வி கற்பித்தல்களை வழங்குதல் போன்ற பல வேலைத்திட்டங்களையும் இலங்கை சமூகம் மேற்கொண்டு வருவதாக டொக்டர் யோகா அந்தோனி மேலும் குறிப்பிட்டார்.