துபாய்க்கான விமான சேவைகள் ஏப்ரல் இறுதி வரை நிறுத்தம்! முக்கிய நிறுவனத்தின் முடிவு

Dubai Middle East Hong Kong Iran-Israel War Iran-US Conflict

By Dilakshan Mar 19, 2026 08:40 AM GMT

Dilakshan

in மத்திய கிழக்கு

Report

ஹொங்கொங்கின் முன்னணி விமானப் போக்குவரத்து நிறுவனமான கேத்தே பசிபிக், மத்திய கிழக்கு பகுதியில் நடைபெறும் போரின் காரணமாக துபாய்க்கான தனது விமான சேவைகளை ஏப்ரல் மாத இறுதி வரை நிறுத்தியுள்ளது.

புதன்கிழமை வெளியிட்ட அறிக்கையில், “மத்திய கிழக்கில் உருவாகி வரும் சூழ்நிலையை கருத்தில் கொண்டு, துபாய்க்கு வரும் மற்றும் செல்லும் அனைத்து விமானங்களும் 2026 ஏப்ரல் 30 வரை ரத்து செய்யப்படுகின்றன” என்று நிறுவனம் தெரிவித்துள்ளது.

விமான அட்டவணைகளில் மாற்றம்

இதேவேளை, அடுத்த சில நாட்களில் எங்கள் விமான அட்டவணையில் மேலும் மாற்றங்கள் ஏற்படலாம் என்றும் அறிவிக்கப்பட்டுள்ளது.

துபாய்க்கான விமான சேவைகள் ஏப்ரல் இறுதி வரை நிறுத்தம்! முக்கிய நிறுவனத்தின் முடிவு | Cathay Suspends Dubai Flights Until April End

முன்னதாக, மார்ச் மாதத்திலேயே துபாய் மற்றும் ரியாத் நகரங்களுக்கு செல்லும் அனைத்து விமானங்களையும் கேத்தே பசிபிக் ரத்து செய்திருந்தது.

இந்த போரின் காரணமாக எண்ணெய் விலை உயர்ந்துள்ளதால், இம்மாதம் தனது பல்வேறு வழித்தடங்களுக்கான எரிபொருள் கட்டணத்தை நிறுவனம் இரட்டிப்பாக்கியுள்ளது.

எரிபொருள் கட்டணம் அதிகரிப்பு

அதேபோல், ஹொங்கொங் ஏர்லைன்ஸ் நிறுவனமும் கடந்த ஒரு வாரத்தில் இரண்டாவது முறையாக தனது எரிபொருள் கட்டணத்தை அதிகரித்துள்ளது.

மற்றொரு பக்கம், ஐரோப்பாவுக்கான கூடுதல் விமான சேவைகளை மார்ச் மாதத்தில் இயக்க திட்டமிட்டுள்ளதாககேத்தே பசிபிக் முன்பு தெரிவித்திருந்தது.

மத்திய கிழக்கு வழித்தடங்களை அதிகமாக சார்ந்த பயணங்களை தவிர்க்க விரும்பும் பயணிகளின் தேவையால், நீண்ட தூர விமானங்களுக்கு பொதுவாக தேவை அதிகரித்துள்ளதாகவும் நிறுவனம் குறிப்பிட்டுள்ளது.