ரணில் வழங்கிய வாக்குறுதிகளை மீறக்கூடாது சம்பிக்க எடுத்துரைப்பு!
அதிபர் ரணில் விக்ரமசிங்க அளித்த வாக்குறுதிகளை மீறக் கூடாது என ஐக்கிய குடியரசு முன்னணியின் தலைவர் பாட்டளி சம்பிக்க ரணவக்க (Champika Ranawaka) தெரிவித்துள்ளார்.
குறித்த விடயத்தை ஐக்கிய குடியரசு முன்னணியின் மாத்தறை மாவட்ட காரியாலயத்தை அங்குரார்ப்பணம் செய்து வைத்து உரையாற்றிய போதே அவர் குறிப்பிட்டுள்ளார்.
அத்தோடு, உள்ளுராட்சி மன்றத் தேர்தல்களை ஒத்தி வைத்தது போன்று அதிபர் தேர்தலை ஒத்தி வைக்க முடியாது என அவர் சுட்டிக்காட்டியுள்ளார்.
அதிபர் பதவி ஏற்பு
அரசியல் அமைப்பின் பிரகாரம் செப்டம்பர் மாதம் 17 ஆம் திகதி முதல் ஒக்ரோபர் மாதம் 17 ஆம் திகதி வரையிலான காலப் பகுதியில் அதிபர் தேர்தலை கட்டாயமாக நடத்த வேண்டுமென அவர் தெரிவித்துள்ளார்.
நாடாளுமன்றை கலைப்பதற்கு 113 உறுப்பினர்களின் ஆதரவுடன் பிரேரணை முன்வைப்பதில் எந்தவிதமான பிரச்சினையும் கிடையாது என சம்பிக்க ரணவக்க குறிப்பிட்டுள்ளார்.
இருப்பினும், அதிபர் நாடாளுமன்றை கலைத்து பொதுத் தேர்தலை நடத்துவதனை ஏற்க அத்தோடு இது அதிபர் பதவி ஏற்றுக்கொண்டதன் போது அளித்த வாக்குறுதியை மீறும் வகையிலானது என அவர் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
