யாழ் மக்களுக்காக உண்மையாக செயற்பட்டேன் : வைத்தியர் அர்ச்சுனா

Jaffna Hospitals in Sri Lanka Doctors Dr.Archuna Chavakachcheri

By Shalini Balachandran Jul 19, 2024 04:33 AM GMT

Shalini Balachandran

in சமூகம்

Report

யாழ்ப்பாண மக்களுக்காக உண்மையாக செயற்பட்டேன் அது வைத்தியத்துறை மாபியாக்களுக்கு பிடிக்கவில்லை அதனால் என்னை இங்கிருந்து விரட்டுகின்றனர் என சாவகச்சேரி வைத்தியசாலையின் முன்னாள் பதில் வைத்திய அத்தியட்சகர் இராமநாதன் அர்ச்சுனா தெரிவித்துள்ளார்.

குறித்த விடயத்தை நேற்றைய தினம் யாழில் இடம்பெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே அவர் குறிப்பிட்டுள்ளார்.

இது தொடர்பாக அவர் மேலும் தெரிவிக்கையில், “மக்களின் அன்பு என்பது எனது இதயத்துடிப்பு இந்த மண்ணில் இருந்து விடைபெறுகின்றேன்.

ஆதார வைத்தியசாலை

சாவகச்சேரி ஆதார வைத்தியசாலை என்ற வைத்தியசாலை இல்லாதது போல அரசியல்வாதிகள் அமைச்சரிடம் பேசும் போது நாம் பேசி பயனில்லை.

யாழ் மக்களுக்காக உண்மையாக செயற்பட்டேன் : வைத்தியர் அர்ச்சுனா | Chavagacherry Hospital Dr Archuna Press Conference

ஒரு வைத்தியருக்காக பொதுமக்கள் திரண்டு போராட்டத்தில் ஈடுபட்டது உலக வரலாற்றில் இதுவே முதல்முறை தென்மராட்சி மக்களுக்கு நான் எப்போதும் விசுவாசமாக இருப்பேன் யாழ்ப்பாண மக்களுக்காக உண்மையாக செயற்பட்டேன்.

பேராதனை வைத்தியசாலை

அது வைத்தியத்துறை மாபியாக்களுக்கு பிடிக்கவில்லை அதனால் என்னை இங்கிருந்து விரட்டுகின்றனர் ஆனால் இந்த மக்களின் அன்பு என்பது எனது இதயத்துடிப்பு இந்த மண்ணில் இருந்து விடைபெறுகின்றேன்.

சுகாதார அமைச்சிற்கு வருமாறு நேற்றைய திகதியிட்டு இன்றைய தினம் எனக்கு கடிதம் கிடைத்துவிட்டது கொழும்பு சென்று நாளை (19) அங்கு புதிய நியமனத்தைப் பெற்றுக் கொண்டு நான் முன்னர் கடமையாற்றிய பேராதனை வைத்தியசாலைக்குச் சென்று கடமைகளைப் பொறுப்பேற்கவுள்ளேன்” என அவர் தெரிவித்துள்ளார்.