சீனக்கப்பலை மறுத்த இலங்கை! பிரதமரிடம் மனம்வருந்திய சீன அதிபர்
சீன நிறுவனங்கள் இலங்கையில் முதலீடு செய்வதற்கு ‘நியாயமான மற்றும் வெளிப்படையான’ சூழலின் அவசியத்தை சீன அதிபர் ஸி ஜின்பிங் (Xi Jinping) வலியுறுத்தியுள்ளார்.
குறித்த தகவலை அவர் பிரதமர் தினேஸ் குணவர்தனவுடன் (Dinesh Gunawardena) அண்மையில் நடத்திய சந்திப்பின் போது குறிப்பிட்டுள்ளார்.
இது தொடர்பாக மேலும் தெரியவருகையில், சீனா முடிவுகளை எடுக்கும் போது தேவையில்லாமல் மற்ற நாடுகளால் இலங்கையின் முடிவுகள் குறித்து கவனம் செலுத்தப்படுவது தொடர்பில் சீனா மகிழ்ச்சியடையவில்லை என்றவாறான நிலைப்பாடு முன்வைக்கப்பட்டுள்ளதாக தகவல்கள் தெரிவிக்கின்றன.
சீன அதிபர்
இருப்பினும் சீன அதிபர் தனது கருத்துக்களில் எந்தவொரு மூன்றாவது நாட்டின் பெயரையும் குறிப்பிடவில்லையென தகவல்கள் குறிப்பிட்டுள்ளன.
ஜேர்மனியில் (Germany) இருந்து ஆராய்ச்சி கப்பலை நாட்டுக்குள் அனுமதித்த போதும் தமது ஆராய்ச்சிக் கப்பல்களை இலங்கை அனுமதிக்காமை குறித்து சீனப் பிரதமர் லீ கியாங் (Li Qiang) கவலை தெரிவித்துள்ளார்.
எரிபொருள்
இதைனையடுத்து ஜேர்மன் கப்பலை எரிபொருள் நிரப்புவதற்கு மட்டுமே இலங்கை அனுமதித்துள்ளதாக பிரதமர் குணவர்தன பதிலளித்துள்ளார்.
மேலும் சட்டத்தின் பிரகாரம் மீள்நிரப்புதல் போன்ற கோரிக்கைகளை இலங்கை நிராகரிக்க முடியாதென சீன அதிபர் சுட்டிக்காட்டியுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
