பின்லேடன் தொடர்பான மறைக்கப்பட்ட இரகசியங்களை வெளியிட்டது சிஐஏ

United States of America India

By Jaso Sep 13, 2026 01:00 PM GMT

Jaso

in உலகம்

Report

நியூயோர்க் நகரில் உள்ள உலக வர்த்தக மையத்தின் மீது 2001 செப்டம்பர் 11 அன்று நடத்தப்பட்ட தாக்குதல்களின் 25வது ஆண்டு நிறைவை நினைவுகூரும் வகையில்,அல்கொய்தா தலைவர் ஒசாமா பின்லேடன் தொடர்பான 70க்கும் மேற்பட்ட ஜனாதிபதி உளவுத்துறை அறிக்கைகளையும், 100க்கும் மேற்பட்ட பக்கங்கள் கொண்ட ஆவணங்களையும் சிஐஏ வெள்ளிக்கிழமை வெளியிட்டது.

செப்டம்பர் 11 தாக்குதல்களுக்கு முன்பே, பின்லேடனின் இலக்குகள் பட்டியலில் இந்தியா முதலிடத்தில் இருந்ததை இந்த ஆவணங்கள் வெளிப்படுத்துகின்றன.

பின்லேடனின் முதல் இலக்கு இந்தியா

ஓகஸ்ட் 28, 1998 திகதியிட்ட ஜனாதிபதி உளவுத்துறை அறிக்கை, பின்லேடன் இந்தியா உட்பட பல நாடுகளைத் தாக்கத் திட்டமிட்டிருந்ததாகக் கூறுகிறது.

பின்லேடன் தொடர்பான மறைக்கப்பட்ட இரகசியங்களை வெளியிட்டது சிஐஏ | Cia Releases Hidden Secrets Regarding Bin Laden

அறிக்கையில் குறிப்பிடப்பட்டுள்ள மற்ற நாடுகளில் பாகிஸ்தான், எகிப்து, குவைத், சவுதி அரேபியா, யேமன், உகண்டா மற்றும் நைஜீரியா ஆகியவை அடங்கும்.

"பின்லேடனின் பயங்கரவாத வலையமைப்பு இன்னும் அச்சுறுத்தலாக உள்ளது" என்ற தலைப்பிலான, தகவல்களுக்கான ஆதாரம் எதுவும் குறிப்பிடப்படாத அந்த ஆவணம் வெளியிடப்படாமல் உள்ளது.

இந்தியாவில் தாக்குதல் நடத்துவதற்கான ஒரு குறிப்பிட்ட இடம், திகதி அல்லது செயல்படுத்தும் திட்டம் ஆகியவற்றை அது குறிப்பிடவில்லை.

அமெரிக்கா மீது மேலும் பல தாக்குதல்கள்

இதற்கிடையில், ஆப்கானிஸ்தானில் உள்ள அல்-கொய்தா முகாம்கள் மீது அமெரிக்கா ஏவுகணைத் தாக்குதல் நடத்துவதற்கு சில மணி நேரங்களுக்கு முன்பு, பின்லேடன் அமெரிக்கா மற்றும் ஐக்கிய ராச்சியத்திற்கு எதிராக மேலும் தாக்குதல்களைத் திட்டமிட்டு வந்ததாகக் கூறப்படுகிறது.

இந்தத் தாக்குதல்களை நடத்துவதற்காக, அல்-கொய்தா தலைவர் குறைந்தது 60 நாடுகளில் உள்ள தனிநபர்கள் மற்றும் கூட்டாளிகளின் வலையமைப்பின் ஆதரவை நாடியுள்ளதாக அந்த அறிக்கை மேலும் கூறுகிறது.

முன்னாள் அமெரிக்க ஜனாதிபதிகளுக்கு எச்சரிக்கை

சிஐஏ வெளியிட்ட ஜனாதிபதி உளவுத்துறை அறிக்கைகள், 1998 மற்றும் 2001-க்கு இடையில் பலமுறை நாட்டின் மீது சாத்தியமான பயங்கரவாதத் தாக்குதல்கள் குறித்து முன்னாள் அமெரிக்க ஜனாதிபதிகளை அந்த அமைப்பு எச்சரித்ததைக் காட்டுகின்றன.

இந்த அறிக்கைகள் பில் கிளிண்டனின் ஜனாதிபதி பதவிக் காலத்தில் தொடங்கி ஜோர்ஜ் டபிள்யூ. புஷ்ஷின் ஜனாதிபதி பதவிக் காலம் வரை நீடித்த ஒரு காலகட்டத்தை உள்ளடக்கியுள்ளன.