இலங்கையின் வாகன இறக்குமதி மற்றும் விற்பனையில் வீழ்ச்சி ஏற்படும் அபாயம்!
இலங்கையில் வாகனங்கள் வாங்குவதற்காக வழங்கப்படும் கடன் வசதிகளில் செய்யப்பட்டுள்ள திருத்தங்களால், வாகன இறக்குமதி மற்றும் விற்பனையில் சரிவு ஏற்பட வாய்ப்புள்ளதாக வாகன இறக்குமதியாளர்கள் கூறுகின்றனர்.
அத்துடன், தற்போதைய சூழ்நிலையில் வாகனங்களின் விலை உயரும் அபாயம் இருப்பதாகவும் அவர்கள் மேலும் சுட்டிக்காட்டியுள்ளனர்.
நிதி அமைப்பின் ஸ்திரத்தன்மையைப் பாதுகாப்பதற்கும், அபாயங்களைக் கட்டுப்படுத்துவதற்கும் மோட்டார் வாகனங்களுக்காக வழங்கப்படும் கடன் வசதிகளின் (லீசிங்) எல்லைகளை நேற்று (25) முதல் மட்டுப்படுத்துவதற்கு மத்திய வங்கி நடவடிக்கை எடுத்துள்ளது.
மத்திய வங்கி அறிவிப்பு
அதன்படி, புதிய திருத்தத்தின்படி, நாட்டில் பதிவுசெய்து ஒரு வருடத்திற்கும் மேலாகப் பயன்படுத்தப்பட்ட வாகனங்களுக்கு வழங்கப்படும் கடன் வசதி 60 சதவீதமாகக் குறைக்கப்பட்டுள்ளது.
மேலும், அதிநவீன வாகனங்கள் மற்றும் நாட்டில் பதிவுசெய்து ஒரு வருடத்திற்கும் குறைவாகப் பயன்படுத்தப்பட்ட வாகனங்களுக்கு வழங்கப்படும் குத்தகை வசதியும் இன்று முதல் குறைக்கப்படும் என்று மத்திய வங்கி அறிவித்துள்ளது.
அதன்படி, பாரவூர்திகள் உள்ளிட்ட வர்த்தக வாகனங்களுக்கு முன்னர் வழங்கப்பட்ட 70 சதவீத கடன் வசதி, புதிய திருத்தத்தின்படி 60 சதவீதமாகக் குறைக்கப்பட்டுள்ளது.
சிற்றூந்துகள், SUV ரக வாகனங்கள், சிற்றூர்திகள், முச்சக்கரவண்டிகள் மற்றும் ஏனைய வாகனங்களுக்கு முன்னர் 50% ஆகக் காணப்பட்ட கடன் வசதி 40% ஆகக் குறைக்கப்பட்டுள்ளது.
இதற்கிடையில், கடந்த ஆண்டு நவம்பர் 8 ஆம் திகதி முதல் நேற்று வரை வழங்கப்பட்ட பதிவு செய்யப்படாத வாகனங்களுக்கான கடன் வசதியும் திருத்தப்பட்டுள்ளது.
மேற்கொள்ளப்பட்டுள்ள திருத்தம்
மேலும் கடந்த ஆண்டு ஜூலை 18 ஆம் திகதி முதல் நவம்பர் 8 ஆம் திகதி வரை வழங்கப்பட்ட பதிவு செய்யப்படாத வாகனங்களுக்கான கடன் வசதியும் திருத்தப்பட்டுள்ளது.
மேலும், கடந்த ஆண்டு ஜூலை 18ஆம் திகதிக்கு முன்னர் கடன் கடிதம் பெறப்பட்டு பதிவு செய்யப்படாத வாகனங்களுக்கான கடன் வசதியும் திருத்தப்பட்டுள்ளது.
அதன்படி, வர்த்தக வாகனங்களுக்கான கடன் வசதி 90 சதவீதமாகத் திருத்தப்பட்டுள்ளது. இதற்கமைய சிற்றூந்துகள், SUV ரக வாகனங்கள் மற்றும் சிற்றூர்திகளுக்கான கடன் வசதி 50 சதவீதமாகவும், முச்சக்கரவண்டிகளுக்கு 25 சதவீதமாகவும் திருத்தப்பட்டுள்ளது.
அதேபோல், இலகுரக ட்ரக் வண்டிகளுக்கு 90 சதவீதமாகவும், மற்ற வாகனங்களுக்கு 70 சதவீதமாகவும் வழங்கப்படும் கடன் வசதிகள் திருத்தப்பட்டுள்ளன. எனினும், இந்த வகைகளைச் சேர்ந்த மின்சார வாகனங்களுக்கான கடன் வசதி 90 சதவீதமாகத் திருத்தப்பட்டுள்ளது.
மேலும், ஹைபிரிட் வகையைச் சேர்ந்த SUV ரக வாகனங்கள், சிற்றூர்திகள் மற்றும் சிற்றூந்துகளுக்கு வழங்கப்படும் கடன் வசதி 50 சதவீதமாகத் திருத்தப்பட்டுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புளியந்தீவு, Toronto, Canada, புங்குடுதீவு, மட்டக்களப்பு
25 May, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015
ஆவரங்கால், Bremerhaven, Germany, Fribourg, Switzerland, Chennai, India
24 May, 2021
கொழும்பு, புங்குடுதீவு 10ம் வட்டாரம், ஜேர்மனி, Germany, Scarborough, Canada
25 May, 2021
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
