இந்திய கடற்றொழிலாளர்களுக்கு விளக்கமறியல்

Indian fishermen Douglas Devananda Sri Lanka India Sri Lanka Navy

By Sathangani Mar 11, 2024 04:48 AM GMT

Sathangani

in சமூகம்

Report

இலங்கை கடற்பரப்பில் நேற்று முன்தினம் (09) கைது செய்யப்பட்ட 22 இந்திய கடற்றொழிலாளர்களும் விளக்கமறியலில் வைக்கப்பட்டுள்ளனர்.

யாழ்ப்பாணம் காரைநகர் கடற்பரப்பில் எல்லை தாண்டி கடற்றொழிலில் ஈடுபட்ட குற்றச்சாட்டில் 22 கடற்றொழிலாளர்கள் இலங்கை கடற்படையினரால் கைது செய்யப்பட்டனர்.

இதேவேளை கடற்றொழிலாளர்களின் 3 படகுகளும் இதன்போது கைப்பற்றப்பட்டதாக தெரிவிக்கப்படுகின்றது.

விளக்கமறியலில் வைக்குமாறு உத்தரவு

இதன் பின்னர் 22 கடற்றொழிலாளர்களும் ஊர்காவற்றுறை நீதிமன்ற நீதவான் ஜெ.கஜநிதிபாலனிடம் முன்னிலைப்படுத்தப்பட்ட நிலையில் அவர்களை எதிர்வரும் 22ஆம் திகதி வரை விளக்கமறியலில் வைக்குமாறு நீதவான் உத்தரவிட்டார்.

இந்திய கடற்றொழிலாளர்களுக்கு விளக்கமறியல் | Detention Of Indian Fishermen Arrested In Sl Water

இதேவேளை, கடற்றொழிலாளர் விவகாரத்தில் இலங்கையின் கடற்றொழில் அமைப்புகளின் பிரதிநிதிகள் சற்று அமைதி காக்க வேண்டுமென கடற்றொழில் அமைச்சர் டக்ளஸ் தேவானந்தா கோரிக்கை விடுத்துள்ளார்.

கடற்றொழிலாளர் விவகாரம் தொடர்பில் அதிபரும் இலங்கையின் வெளிவிவகார அமைச்சினூடாக இந்திய தரப்பினருடன் பேச்சுக்களை மேற்கொண்டு வருவதாகவும் அமைச்சர் டக்ளஸ் தேவானந்தா இதன்போது சுட்டிக்காட்டினார்.