வடமராட்சி - ஆழியவளை கடற்கரையில் கடற்றொழிலாளர்களிடையே குழப்பம்!

Sri Lanka Police Jaffna Sri Lanka Fisherman

By Sathangani Apr 04, 2025 10:43 AM GMT

Sathangani

in சமூகம்

Report

யாழ்ப்பாணம் (Jaffna) - வடமராட்சி கிழக்கு ஆழியவளை கடற்கரையில் கடற்றொழிலாளர்களிடையே முறுகல் நிலை ஏற்பட்டுள்ளது.

குறித்த சம்பவம் இன்று (04.04.2025) காலை இடம்பெற்றுள்ளது.

சம்பவம் தொடர்பில் மேலும் தெரியவருகையில், “வடமராட்சி கிழக்கு ஆழியவளை கடற்றொழிலாளர் சங்க எல்லைக்குட்பட்ட கடற்பகுதிகளில் மனித வலுவற்ற உழவு இயந்திரம் பாவித்து கரைவலை தொழில் செய்வதற்கு சங்கத்தால் தடை செய்யப்பட்டுள்ளது.

நடவடிக்கை எடுக்கப்படவில்லை

இந்த நிலையில் இதனை மீறி நபர் ஒருவர் அப்பகுதியில் உழவு இயந்திரம் கொண்டு தொழில் புரிந்துவருகின்றார்.

வடமராட்சி - ஆழியவளை கடற்கரையில் கடற்றொழிலாளர்களிடையே குழப்பம்! | Dispute Among Fishermen On The Vadamaraadchi Beach

உடனடியாக இதை தடுத்து நிறுத்தி குறித்த கரைவலை வாடியை அகற்றுமாறு நீரியல்வளத் திணைக்கள அதிகாரிகள், மருதங்கேணி காவல் நிலையம், கடற்றொழிலாளர் கூட்டுறவு சங்கங்களின் சமாசம் போன்றவற்றிற்கு அறிவுறுத்தியும் எந்தவித நடவடிக்கையும் எடுக்கப்படவில்லை என தெரிவிக்கப்படுகின்றது.

இன்று (4) காலை குறித்த சம்மாட்டி ஆழியவளை கடற்றொழிலாளர் சங்க எல்லைக்குட்பட்ட பகுதியில் உழவு இயந்திரம் கொண்டு தொழில் புரிந்த போது அங்கு கடற்றொழிலாளர்கள் இடையே முறுகல் நிலை ஏற்பட்டது.

கடற்றொழிலாளர்கள் அச்சம்

அதிகாரிகள் உடன் நடவடிக்கை மேற்கொள்ள தவறும் பட்சத்தில் முறுகல் நிலை வன்முறையாக மாறக்கூடிய வாய்ப்பு காணப்படுவதாக அப்பகுதி கடற்றொழிலாளர்கள் அச்சம் வெளியிட்டனர்.

இதேவேளை வடமராட்சி கிழக்கின் பல பகுதிகளிலும் சட்டத்திற்கு முரணாக கரைவலை தொழிலை மேற்கொள்வதால் கடற்றொழிலாளர்களின் படகு, இயந்திரம் அண்மைக்காலமாக சேதங்களை எதிர்கொள்வதாகவும் தெரிவிக்கின்றமை குறிப்பிடத்தக்கது.