பிரசவத்திற்காக மருத்துவமனை சென்ற பெண்ணின் கருப்பை அகற்றிய மருத்துவர்கள்!
பிரசவத்திற்காக சென்ற பெண்ணொருவரின் கருப்பை அகற்றப்பட்டுள்ள சம்பவம் ஒன்று கிளிநொச்சி வைத்தியசாலையில் இடம்பெற்றுள்ளது.
குறித்த பெண்ணின் கணவரே தனது மனைவியின் கர்ப்பப்பையை அகற்றியது தொடர்பில் கிளிநொச்சி மாவட்ட வைத்தியசாலைக்கு எதிராக காவல்துறையில் முறைப்பாடு ஒன்றை செய்துள்ளார்.
குழந்தை இறந்தே பிறந்தது
“நேற்று முன் தினம் (25) பிரசவத்திற்காக கிளிநொச்சி மாவட்ட பொது வைத்தியசாலையில் அனுமதிக்கப்பட்ட தனது மனைவிக்கு நேற்றைய தினம் (26) சத்திர சிகிச்சை செய்து குழந்தை இறந்தே பிறந்துள்ளது என்று கூறியது மாத்திரமல்லாமல் எனது மனைவியின் கர்ப்பப்பையும் அகற்றப்பட்டுள்ளது"என்று குறித்த பெண்மணியின் கணவர் தனது முறைப்பாட்டில் குறிப்பிட்டிருந்தார்.
மருத்துவர்களின் தவறினாலேயே இந்த செயல் இடம்பெற்றுள்ளதாக இராஜதுரை சுரேஸ் என்பவர் கிளிநொச்சி தர்மபுரம் காவல் நிலையத்தில் நேற்றையதினம் (26) முறைப்பாடு ஒன்றை பதிவுசெய்துள்ளார்.
தனது குழந்தை வயிற்றுக்குள்ளே இறப்பதற்கும், தனது மனைவியின் கர்ப்பப்பை அகற்றப்படுவதற்கும் மருத்துவர்களின் தவறே காரணம் எனவும் தனது வாழ்க்கையில் இனி குழந்தை பாக்கியமே இல்லாத நிலைமைக்கு தனது குடும்பத்தை தள்ளிவிட்டார்கள்“ என்றும் தெரிவித்து பாதிக்கப்பட்ட பெண்ணின் கணவன் மேற்படி முறைப்பாட்டை பதிவு செய்துள்ளார்.
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
