சிறிலங்கா அதிபரின் பதவிக் காலத்தை நீடிக்க முயற்சி: சுமந்திரன் சுட்டிக்காட்டு
சிறிலங்கா அதிபரின் (Sri lanka President) பதவிக்காலத்தை 6 வருடங்களாக நீடிப்பதற்கு முயற்சிக்கின்றனர் என தமிழ்த் தேசியக் கூட்டமைப்பின் நாடாளுமன்ற உறுப்பினர் எம்.ஏ.சுமந்திரன் (M. A. Sumanthiran) தெரிவித்துள்ளார்.
நாடாளுமன்றத்தில் நேற்று (19) விசேட கூற்றை முன்வைத்து உரையாற்றும் போதே அவர் இவ்வாறு குறிப்பிட்டார்.
அவர் மேலும் குறிப்பிடுகையில், ”நிகழ்நிலைக் காப்புச் சட்டம் (Online Safety Bill) நிறைவேற்றப்படும் போது நீதிமன்ற அறிவிப்புகளையும் தாண்டி எதிர்ப்புகளுக்கு மத்தியில் சாதாரண பெரும்பான்மையில் நிறைவேற்றப்பட்டது.
உயர் நீதிமன்றத்தின் தீர்ப்பு
அதனைத் தொடர்ந்து இரண்டாவது முறையாக பால்நிலை சமத்துவம் தொடர்பான சட்டமூலம் குறித்த உயர்நீதிமன்றத்தின் தீர்ப்பை பின்பற்றத் தேவையில்லை என்று அதிபர் ரணில் கூறியுள்ளார்.
இதற்கு காரணம் என்ன, அதாவது கூடிய விரைவில் அதிபரின் பதவிக்காலத்தை 06 வருடங்களாக அதிகரிக்க முயற்சிக்கின்றனர்.
அதனை செய்வதென்றால் மூன்றில் இரண்டு பெரும்பான்மைக்கு மேலதிகமாக சர்வஜன வாக்கெடுப்புக்கு செல்ல வேண்டுமென்று உயர் நீதிமன்றம் தீர்ப்பளித்தால் அதனை செய்யாது மூன்றில் இரண்டு பெரும்பான்மையுடன் மட்டும் அதனை நிறைவேற்ற முயற்சிக்கலாம்.
நாடாளுமன்ற அரசியலமைப்பு
எம்.பிக்களுக்கு இலஞ்சம் கொடுத்து நிறைவேற்றவே திட்டமிடுகின்றனர். இதுவே பாலியல் சமத்துவம் தொடர்பான சட்டமூலம் தொடர்பான உயர்நீதிமன்றத்தின் தீர்ப்புக்கு மதிப்பளிக்காமைக்கு காரணமாக உள்ளது. இது ஆபத்தான முன்னுதாரணம்.
இது தொடர்பில் மிகவும் கவனமாக சபாநாயகர் உள்ளிட்ட நாங்கள் இருக்க வேண்டும். நாடாளுமன்றம் அரசியலமைப்புக்கமையவே செயற்பட வேண்டும். நீதிமன்றம் வியாக்கியானத்துக்கமையவே நடந்துகொள்ள வேண்டும்.
இந்த நிலையில் அதிபரின் கருத்து பிற்காலத்தில் ஆபத்தானதாக இருக்கும்“ என தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
இலங்கையை இரண்டாக்கிய 1956 கல்லோயாப் படுகொலை….
2 வாரங்கள் முன்
கரம்பன் தெற்கு, கரம்பன், ஜேர்மனி, Germany, Scarborough, Canada
29 Jun, 2024
முள்ளியவளை, ஒட்டுசுட்டான், Croydon, United Kingdom, Birmingham, United Kingdom
09 Jun, 2024
நெடுந்தீவு, அரியாலை, கொட்டாஞ்சேனை, கொழும்பு சொய்சாபுரம், Toronto, Canada
27 Jun, 2024
புலோலி, ஜேர்மனி, Germany, அமெரிக்கா, United States, Toronto, Canada
27 Jun, 2024
