பேருந்தில் பாடசாலைக்கு சென்ற மாணவிக்கு நேர்ந்த கொடுமை

Sri Lanka Police Sri Lanka Magistrate Court

By Sumithiran Oct 04, 2023 01:48 AM GMT

Sumithiran

in சமூகம்

Report

பேருந்தில் பாடசாலைக்கு சென்று கொண்டிருந்த பதினேழு வயது பாடசாலை மாணவியை பாலியல் வன்புணர்வு செய்ய முயற்சித்த குற்றச்சாட்டில் கைது செய்யப்பட்டவரை எதிர்வரும் 10ம் திகதி வரை விளக்கமறியலில் வைக்குமாறு மஹர இலக்கம் 02 நீதிமன்ற நீதவான் ஜனித பெரேரா உத்தரவிட்டுள்ளார்.

இவ்வாறு விளக்கமறியலில் வைக்கப்பட்டுள்ளவர் காலி பிரதேசத்தில் வசிக்கும் 24 வயதுடைய ஒரு பிள்ளையின் தந்தையாவார்.

மாணவியின் இருக்கைக்கு அருகில் அமர்ந்த குடும்பஸ்தர்

கடந்த 27ஆம் திகதி காலை கிரிபத்கொடவில் இருந்து கராபுகசந்தியா செல்லும் தனியார் பயணிகள் பேருந்தின் இலக்கம் 356 இல் மாகொல பகுதியில் உள்ள பாடசாலைக்குச் செல்வதற்காக குறித்த மாணவி ஏறி ஆசனத்தில் அமர்ந்துள்ளார். பின்னர், வேறொரு இடத்தில் இருந்து பேருந்தில் ஏறி, மாணவி இருக்கைக்கு அருகில் அமர்ந்திருந்த அவர், அநாகரிகமாக நடந்து கொண்டுள்ளார்.

பேருந்தில் பாடசாலைக்கு சென்ற மாணவிக்கு நேர்ந்த கொடுமை | Father Of One Who Tried To Molest A Schoolgirl

இதன்போது மாணவி பயந்து, பீதியடைந்து, பேருந்தை விட்டு ஓட முயன்றார். அப்போது, பேருந்தின் நடத்துனர் மற்றும் பயணிகள் அவரை பிடித்து காவல்துறையிடம் ஒப்படைத்தனர்.

நீதிமன்றம் அளித்த உத்தரவு

பிரதான காவல்துறை பரிசோதகர் அஜித் விஜேசிங்கவின் பணிப்புரைக்கமைய காவல்துறை பரிசோதகர் எம். அது. என். பிரபோதனி, போக்குவரத்து பிரிவு சார்ஜன்ட் வெராபிட்டிய (60352) மற்றும் வழக்கு நடவடிக்கை பிரிவு பெண்கள் பிரிவைச்சேர்ந்த கோ. மதுவந்தி(10369) ஆகியோர் குறித்த நபரை நீதிமன்றத்தில் முற்படுத்தினர்.

பேருந்தில் பாடசாலைக்கு சென்ற மாணவிக்கு நேர்ந்த கொடுமை | Father Of One Who Tried To Molest A Schoolgirl