அதிபர் தேர்தல் தொடர்பில் தமிழ் தேசிய கூட்டணி எடுக்கப்போகும் முடிவு
அதிபர் தேர்தல் தொடர்பில் அனைத்து வேட்பாளர்களுடனும் கலந்துரையாடிய பின்னரே அடுத்த அதிபர் தேர்தலில் யாருக்கு ஆதரவளிக்க வேண்டும் என்று தமிழ் தேசிய கூட்டணி தீர்மானிக்கும் என நாடாளுமன்ற உறுப்பினர் எம்.ஏ. சுமந்திரன் (M. A. Sumanthiran) தெரிவித்துள்ளார்.
குறித்த விடயம் தொடர்பில் ஊடகங்களுக்கு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.
மேலும், வேட்பாளர்கள் என்ன விடயத்தை எடுத்து வருகிறார்கள் என்பதை நாங்கள் கவனிக்க வேண்டும், பின்னர் நாங்கள் அவர்களுடன் கலந்துரையாடுவோம். இதற்கு பின்னரே எங்கள் இறுதி முடிவு எடுக்கப்படும் என்றும் கூறியுள்ளார்.
தமிழ் வேட்பாளர்
அதிபர் தேர்தலில், தனது தலைவர் சஜித் பிரேமதாசாவுக்கு, தமிழ் தேசியக்கூட்டமைப்பு ஆதரவளிக்கும் என்று ஐக்கிய மக்கள் சக்தி கூறியதாக தெரிவிக்கப்படுவது குறித்த கேள்விக்கு பதிலளித்த சுமந்திரன், அவ்வாறு நினைத்தால், அது ஐக்கிய மக்கள் சக்தியின் கனவாக இருக்கும் என்று குறிப்பிட்டுள்ளார்.
மேலும், அரசாங்கத்தால் மேற்கொள்ளப்பட்ட நில விநியோக திட்டத்தை அவர் வரவேற்றுள்ளார்.அரசாங்கத்தின் நில விநியோக திட்டம் சிறந்தது என்றும் தெரிவித்துள்ளார்.
இதேவேளை, தேர்தலில் ஒரு தமிழ் வேட்பாளரை களமிறக்குவதை தமிழ் தேசியக்கூட்டமைப்பு எதிர்க்கிறது என்றும் சுமந்திரன் குறிப்பிட்டுள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்.. |
வேலணை மேற்கு, வரக்காப்பொல, கிருலப்பனை, பரிஸ், France, Scarborough, Canada
26 Jun, 2024
