குழந்தை பொருட்களில் அவதானம்: டயப்பர்களை முறையற்று விநியோகித்த நிறுவனங்களுக்கு அபராதம்

Sri Lanka Money Law and Order

By Pavi Sep 24, 2026 10:58 AM GMT

Pavi

in சமூகம்

Report

சந்தையில் விற்பனை செய்யப்படும் இறக்குமதி செய்யப்பட்ட குழந்தை டயப்பர்களில் பதிவு செய்யப்பட்ட இறக்குமதியாளரின் பெயர், முகவரி மற்றும் தொலைபேசி இலக்கம் உள்ளிட்ட அத்தியாவசிய தகவல்களை குறிப்பிடாமல், சட்டவிரோதமாக மொத்த விநியோகத்தில் ஈடுபட்ட இரு நிறுவனங்களுக்கு கொழும்பு பிரதான நீதவான் நீதிமன்றம் அபராதம் விதித்துள்ளது.

குறித்த நிறுவனங்கள் தெஹிவளை மற்றும் தெமட்டகொட பகுதிகளைச் சேர்ந்தது என தெரிவிக்கபட்டுள்ளது.

இந்த இரு நிறுவனங்களுக்கும் மொத்தமாக 1 இலட்சத்து 10 ஆயிரம் ரூபாய் அபராதம் விதிக்கப்பட்டுள்ளதாக தகவல்கள் வெளியாகி உள்ளது.

நுகர்வோர் விவகார அதிகார சபை

நுகர்வோரிடமிருந்து கிடைத்த முறைப்பாடுகளின் அடிப்படையில் நுகர்வோர் விவகார அதிகார சபை மேற்கொண்ட சுற்றிவளைப்புகளின்போது, குறித்த டயப்பர்கள் விதிமுறைகளுக்கு முரணான வகையில் விற்பனை செய்யப்பட்டமை கண்டறியப்பட்டுள்ளது.

குழந்தை பொருட்களில் அவதானம்: டயப்பர்களை முறையற்று விநியோகித்த நிறுவனங்களுக்கு அபராதம் | Fine 2 Companies Improper Distribution Of Diapers

இதன்படி, நேற்று (23) வழக்கு விசாரணைக்கு எடுத்துக்கொள்ளப்பட்டபோது குற்றச்சாட்டுகளை ஏற்றுக்கொண்ட தெஹிவளை நிறுவனத்திற்கு 1 இலட்சம் ரூபாயும், தெமட்டகொட நிறுவனத்திற்கு 10 ஆயிரம் ரூபாயும் அபராதம் விதிக்கப்பட்டுள்ளது.

எனவே, குழந்தை டயப்பர்கள் உள்ளிட்ட சுகாதாரப் பொருட்களை கொள்வனவு செய்யும்போது, பொதுமக்கள் அவற்றின் பொதிகளில் குறிப்பிடப்பட்டுள்ள இறக்குமதியாளரின் பெயர், முகவரி, தொலைபேசி இலக்கம் உள்ளிட்ட லேபிள் தகவல்களை அவதானிக்குமாறு நுகர்வோர் விவகார அதிகார சபை கேட்டுக்கொண்டுள்ளது.

மேலும், இவ்வாறான பொருட்களைப் பயன்படுத்தும்போது அவை கிழிதல் அல்லது வேறு தரக்குறைபாடுகள் காணப்பட்டால், அலுவலக நேரங்களில் 1977 என்ற இலக்கத்திற்கு அழைத்து உடனடியாக முறைப்பாடு செய்யுமாறும் அதிகார சபை அறிவுறுத்தியுள்ளது.