உரிமம் இல்லாத துப்பாக்கிகள்: பாதுகாப்பு அமைச்சு விடுத்துள்ள பணிப்புரை

Sri Lankan Peoples Ministry of Defense Sri Lanka

By Dilakshan Aug 20, 2024 12:44 AM GMT

Dilakshan

in பாதுகாப்பு

Report

பாதுகாப்பு அமைச்சினால் வழங்கப்படும் அனைத்து துப்பாக்கிகளின் உரிமங்களையும் அடுத்த வருடத்திற்கு புதுப்பிக்கத் தவறினால், உரிமம் கிடைக்கும் வரை அருகில் உள்ள காவல் நிலையங்களுக்கு துப்பாக்கிகளை பறிமுதல் செய்யுமாறு பாதுகாப்பு அமைச்சகம் அறிவுறுத்தியுள்ளது.

நாடாளுமன்ற உறுப்பினர்கள், ஆளுநர்கள் மற்றும் அரசு அதிகாரிகளுக்கு உயிர் மற்றும் உடமைகளின் பாதுகாப்பிற்காக வழங்கப்படும் அனைத்து ரிப்பீட்டர் துப்பாக்கிகளும் இதில் அடங்கும்.மேலும் அவர்களிடம் இருக்கும் அனைத்து இலவச அரசு துப்பாக்கிகளும் அடங்கும்.

இந்த தீர்மானமானது, பொது மக்கள், அரச மற்றும் தனியார் நிறுவனங்களுக்கு வழங்கப்படும் ஒன்பது மி.மீ வகை துப்பாக்கிகள், 38 வகை ரிவால்வர்கள் மற்றும் தனியார் பாதுகாப்பு படைகள் மற்றும் விளையாட்டு சங்கங்களுக்கு வழங்கப்பட்டுள்ள துப்பாக்கிகளுக்கும் பொருந்தும் என கூறப்படுகிறது.

2025 உரிமங்கள்

அடுத்த ஆண்டுக்கான அனைத்து துப்பாக்கிகளுக்கான உரிமம் புதுப்பித்தல் செப்டம்பர் 1ஆம் திகதி தொடங்கும் மற்றும் டிசம்பர் 31 ஆம் திகதிக்கு முன் உரிமம் பெறப்பட வேண்டும்.

உரிமம் இல்லாத துப்பாக்கிகள்: பாதுகாப்பு அமைச்சு விடுத்துள்ள பணிப்புரை | Firearms Licenses For The Next Year Sri Lanka

2025 ஆம் ஆண்டிற்கான உரிமங்கள் புதுப்பிக்கப்படாவிட்டால், முதல் பத்து நாட்களுக்கு மாத்திரமே உரிமம் இல்லாமல் துப்பாக்கிகளை வைத்திருக்க முடியும். உரிமம் பெற தவறும் பட்சத்தில் அவற்றை அருகில் உள்ள காவல் நிலையத்தில் ஒப்படைக்க வேண்டும்.