கல்வி அமைச்சு வெளியிட்ட முக்கிய அறிவித்தல்
2023 ஆம் ஆண்டின் மூன்றாம் தவணையின் இரண்டாம் கட்டம் நாளை (5) முதல் அனைத்து அரச மற்றும் அரச அங்கீகாரம் பெற்ற சிங்கள மற்றும் தமிழ் மொழி மூலப் பாடசாலைகளிலும் ஆரம்பமாகவுள்ளதாக கல்வி அமைச்சு தெரிவித்துள்ளது.
இக்கட்டடமானது கடந்த முதலாம் திகதி ஆரம்பிக்கப்படவிருந்த போதிலும், பரீட்சைக்கு முன்னதாக உயர்தர பரீட்சையின் விஞ்ஞான வினாத்தாள் வெளியானதால் அதனை ஒத்திவைக்க வேண்டியதாயிற்று.
வெளியான விஞ்ஞான வினாத்தாள்
இரத்துச் செய்யப்பட்ட இரண்டு உயர்தர விவசாய விஞ்ஞான வினாத்தாள்களை மீண்டும் நடத்துவதற்கு பரீட்சை திணைக்களம் ஏற்பாடு செய்திருந்ததால், பாடசாலைகள் 5ஆம் திகதி ஆரம்பமாகுமென அறிவிக்கப்பட்டது.
2024 ஆம் ஆண்டின் முதல் தவணையின் முதல் கட்டம்
நாளை 5ஆம் திகதி ஆரம்பிக்கப்படும் இந்த இரண்டாம் கட்டம் எதிர்வரும் பெப்ரவரி மாதம் 16ஆம் திகதி அனைத்து பாடசாலைகளிலும் நிறைவடையும் என கல்வி அமைச்சு தெரிவித்துள்ளது.
மேலும், அனைத்துப் பாடசாலைகளிலும் 2024 ஆம் ஆண்டின் முதல் தவணையின் முதல் கட்டம் பெப்ரவரி 19 ஆம் திகதி ஆரம்பமாகவுள்ளதுடன், சிங்கள மற்றும் தமிழ் பாடசாலைகளில் ஏப்ரல் 10 ஆம் திகதி வரையிலும் முஸ்லிம் பாடசாலைகளில் மார்ச் 7 ஆம் திகதி வரையும் நடைபெறும் என கல்வி அமைச்சு தெரிவித்துள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
வண்ணார்பண்ணை, திருநெல்வேலி, யாழ்ப்பாணம், கொழும்பு, Toronto, Canada, Montreal, Canada
19 Sep, 2024
கேகாலை, யாழ்ப்பாணம், Herning, Denmark, Toronto, Canada
19 Sep, 2023
