தமிழர் பகுதியில் நடந்த சோகம்: தவறான முடிவெடுத்த சிறுமி

Sri Lanka Police Depression Mannar Sri Lanka Police Investigation Death

By Shadhu Shanker Feb 12, 2024 01:25 PM GMT

Shadhu Shanker

in சமூகம்

Report

மன்னாரில் 13 வயதுடைய சிறுமி ஒருவர் தூக்கில் தொங்கிய நிலையில் சடலமாக மீட்கப்பட்டுள்ளதாக காவல்துறையினர் தெரிவித்துள்ளனர்.

தலைமன்னார் பிரதான வீதி,எருக்கலம்பிட்டி 1 ஆம் வட்டார பகுதியை சேர்ந்த சிறுமி ஒருவர் இன்று திங்கட்கிழமை(12) அதிகாலை அவரது வீட்டில் இவ்வாறு மீட்கப்பட்டுள்ளார்.

குறித்த சிறுமி காணாமல் போன நிலையில், வவுனியாவில் இருந்து மீட்கப்பட்டு நேற்றைய தினம் ஞாயிற்றுக்கிழமை (11) வீட்டிற்கு அழைத்து வரப்பட்ட நிலையில் குறித்த துயர சம்பவம் இடம் பெற்றுள்ளமை தெரிய வருகிறது.

மன அழுத்தத்தில் இருந்த சிறுமி

இந்த சம்பவம் தொடர்பாக மேலும் தெரிய வருகையில், குறித்த 13 வயதுடைய சிறுமி காணாமல் போன நிலையில் சிறுமியின் பெற்றோர் மன்னார் காவல் நிலையத்தில் முறைப்பாடு செய்திருந்தனர்.

தமிழர் பகுதியில் நடந்த சோகம்: தவறான முடிவெடுத்த சிறுமி | Girl Was Found Dead In Mannar Srilanka Police

இந்த நிலையில் குறித்த சிறுமி வவுனியாவில் உள்ள சிறுவர் நிலையம் ஒன்றுக்கு சென்ற நிலையில் நேற்றைய தினம் ஞாயிற்றுக்கிழமை அங்கிருந்து மீட்கப்பட்டு அவரது வீட்டிற்கு அழைத்து வரப் பட்டுள்ளார்.

இந்த நிலையில் குறித்த சிறுமி தனது வீட்டில் தூக்கில் தொங்கிய நிலையில் இன்றைய தினம் திங்கட்கிழமை அதிகாலை சடலமாக மீட்கப்பட்டுள்ளார்.

காவல்துறையினரின் விசாரணை

மன்னார் காவல்துறையினருக்கு தகவல் வழங்கப்பட்ட நிலையில் மன்னார் காவல்துறையினர் வருகை தந்து சடலத்தை மீட்டு மன்னார் மாவட்ட பொது வைத்தியசாலையில் ஒப்படைத்துள்ளனர்.

தமிழர் பகுதியில் நடந்த சோகம்: தவறான முடிவெடுத்த சிறுமி | Girl Was Found Dead In Mannar Srilanka Police

சிறுமி கடந்த சில நாட்களாக மன அழுத்தத்தில் காணப்பட்டதாகவும் தெரிய வருகிறது. சடலம் மன்னார் மாவட்ட பொது வைத்தியசாலையின் பிரேத அறையில் வைக்கப்பட்டுள்ளதுடன் குறித்த சிறுமியின் மரணம் தொடர்பாக மன்னார் காவல்துறையினர் விசாரணைகளை முன்னெடுத்து வருகின்றனர்.