பெருந்தொகை மதிப்புள்ள தங்கம் கொள்ளை: இளைஞர்கள் இருவர் அதிரடி கைது!
கணேமுல்ல காவல் பிரிவில் ஒருவரைத் தாக்கி 6 மில்லியன் ரூபாய் மதிப்புள்ள தங்க நகைகளைக் கொள்ளையடித்த சம்பவம் தொடர்பான விசாரணையில், கிரிபத்கொடையில் இரண்டு சந்தேக நபர்கள் கைது செய்யப்பட்டுள்ளனர்.
மேற்கு மாகாண வடக்கு குற்றப்பிரிவின் அதிகாரிகள் குழு நடத்திய சிறப்பு விசாரணையைத் தொடர்ந்து, இந்த இரண்டு நபர்களும் கைது செய்யப்பட்டனர்.
கைது செய்யப்பட்ட 17 மற்றும் 20 வயதுடைய இரண்டு இளைஞர்களும் கெண்டலியத்தபலுவ மற்றும் கணேமுல்ல பகுதிகளைச் சேர்ந்தவர்கள் எனத் தெரிவிக்கப்பட்டுள்ளது.
மேலதிக விசாரணை
சந்தேக நபர்களிடம் நடத்தப்பட்ட விசாரணையின் போது, திருடப்பட்ட தங்கப் பொருட்களிலிருந்து உருக்கி தயாரிக்கப்பட்ட 121.350 கிராம் மற்றும் 17.15 கிராம் எடையுள்ள இரண்டு தங்கத் துண்டுகளும் மீட்கப்பட்டுள்ளன.
சம்பவம் குறித்து மேற்கு மாகாண வடக்கு குற்றப்பிரிவு மேலதிக விசாரணைகளை மேற்கொண்டு வருகிறது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கஸ்தூரியார் வீதி, யாழ்ப்பாணம், நீர்வேலி
28 Sep, 2021
Kuala Lumpur, Malaysia, தொல்புரம், Gunzenhausen, Germany
24 Sep, 2025
