தனியார் பல்கலைக்கழகங்களை ஒழுங்குபடுத்த வேண்டிய கடமை அரசிற்கு உள்ளது : விஜேதாஸ ராஜபக்ச

Parliament of Sri Lanka Dr Wijeyadasa Rajapakshe Sri Lanka

By Sathangani Oct 19, 2023 07:30 AM GMT

Sathangani

in சமூகம்

Report

இலங்கையில் பல்கலைக்கழக மானியங்கள் ஆணைக்குழுவில் பதிவுசெய்யப்பட்டுள்ள 24 தனியார் பல்கலைக்கழகங்களின் தரநிலைகள் தொடர்பில் எவ்வித தகவல்களும் இல்லாமையால் அவற்றை ஒழுங்குப்படுத்த வேண்டிய கடமை அரசாங்கத்துக்கு உள்ளதாக நீதி அமைச்சர் விஜேதாஸ ராஜபக்ச தெரிவித்தார்.

நாடாளுமன்றத்தில் இன்று(19) எதிர்க்கட்சி உறுப்பினர் லக்ஸ்மன் கிரியெல்ல எழுப்பிய கேள்வியொன்றுக்கு பதிலளிக்கும் போதே அவர் இவ்வாறு கூறினார்.

அவர் மேலும் கருத்து தெரிவிக்கையில்,

தனியார் பல்கலைக்கழகங்கள்

“எமது நாட்டில் மூடிய பொருளாதாரம் காணப்பட்ட சூழலில் தனியார் பல்கலைக்கழகங்கள் இருக்கவில்லை. அவற்றுக்கு அனுமதியும் வழங்கவில்லை.

தனியார் பல்கலைக்கழகங்களை ஒழுங்குபடுத்த வேண்டிய கடமை அரசிற்கு உள்ளது : விஜேதாஸ ராஜபக்ச | Gov Needs Regulate Private Universities Wijetasa

1977ஆம் ஆண்டுக்கு பின்னர் நாட்டில் திறந்த பொருளாதாரம் அறிமுகப்படுத்தப்பட்ட பின்னர் பல்கலைக்கழக சட்டங்களில் திருத்தங்கள் மேற்கொள்ளப்படாவிடினும் தனியார் பல்கலைக்கழகங்களுக்கான தேவை எழுந்தது.

இதன் காரணமாக பல்கலைக்கழக மானியங்கள் ஆணைக்குழுச் சட்டத்தில் திருத்தங்களை கொண்டுவந்து தனியார் பல்கலைக்கழகங்களை உருவாக்குவதற்கான அனுமதிகள் வழங்கப்பட்டன.

அதன் பிரகாரம் உயர்கல்வி அமைச்சில் 24 தனியார் பல்கலைக்கழகங்கள் பதிவுசெய்யப்பட்டுள்ளன. இதற்கு அப்பால் பல வெளிநாட்டு பல்கலைக்கழகங்களில் பீடங்கள் இங்கு உள்ளன.

பல்கலைக்கழக மானியங்கள் ஆணைக்குழு

அவற்றுக்கு கீழ் இயங்கும் பிரிவுகளின் தரங்கள் எமக்கு தெரியாது. அவை எங்கு உள்ளன என்றும் தெரியாது. அங்கு கற்பிக்கப்படும் பாடத்திட்டங்கள் என்னவென்றும் தெரியாது. அரசாங்கம் அவற்றை தரநிலைப்படுத்தவில்லை.

ஆகவே, உயர் தரத்திலான கல்வியை வழங்கக்கூடிய சட்டங்களை உருவாக்க வேண்டிய பொறுப்பு அரசாங்கத்துக்கு உள்ளது.

பல்கலைக்கழக மானியங்கள் ஆணைக்குழு காலங்கடந்த ஒன்றாக உள்ளதால் புதிய சிறப்பு குழுவொன்றை அல்லது கட்டமைப்பொன்றை உருவாக்கி அரச மற்றும் தனியார் கல்வியை கொண்டுசெல்ல வேண்டியுள்ளது” என தெரிவித்தார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்