அரசாங்கம் நீதித்துறையை தனது கட்டுப்பாட்டுக்குள் கொண்டுவர முயற்சி! அஜித் பி பெரேரா பகிரங்க குற்றச்சாட்டு
அரசியலமைப்பின் 22ஆவது திருத்தத்தின் மூலம் அரசாங்கம் நீதித்துறையைத் தனது கட்டுப்பாட்டுக்குள் கொண்டுவர முயற்சிப்பதாக ஐக்கிய மக்கள் சக்தியின் நாடாளுமன்ற உறுப்பினர் அஜித் பி பெரேரா குற்றம் சாட்டியுள்ளார்.
கொழும்பில் நேற்று இடம்பெற்ற ஊடகவியலாளர் சந்திப்பொன்றின் போது அவர் இதனை தெரிவித்துள்ளார்.
இந்தச் சட்டமூலத்திற்கு எதிரான மனுக்களை விசாரிக்க உயர் நீதிமன்றத்தின் அனைத்து 13 நீதியரசர்களும் அடங்கிய முழுமையான அமர்வு உருவாக்கப்பட வேண்டும் என்றும் அவர் கோரிக்கை விடுத்துள்ளார்.
நீதித்துறையின் சுதந்திரம்
இதன்போது, மேலும் கருத்து வெளியிட்ட அஜித் பி பெரேரா, “நீதிபதிகள் மற்றும் சட்டத்தரணிகளின் சுதந்திரம் தொடர்பான ஐக்கிய நாடுகளின் சிறப்பு அறிக்கையாளர், 22ஆவது அரசியலமைப்பு திருத்தம் குறித்து ஜனாதிபதிக்கு அனுப்பியுள்ள கடிதத்தில் கடும் கவலை தெரிவித்துள்ளார்.
இத்திருத்தம் சர்வதேச சிவில் மற்றும் அரசியல் உரிமைகள் உடன்படிக்கையின் 14(1) பிரிவுக்கு முரணானது என்றும், பதவியிலிருக்கும் நீதிபதிகளின் ஓய்வுபெறும் வயதை அதிகரிப்பது நீதித்துறையின் சுதந்திரத்தைப் பாதிக்கும் என்றும் அவர் எச்சரித்துள்ளார்.
மேலும், இத்திருத்தத்தைக் கொண்டுவருவதற்கு முன்னர் எந்தெந்த அமைப்புகளுடன் கலந்தாலோசிக்கப்பட்டது மற்றும் ஒட்டுமொத்த நீதித்துறை மறுசீரமைப்புத் திட்டம் என்ன என்பது குறித்து விளக்குமாறு ஐ.நா பிரதிநிதி அரசாங்கத்திடம் கேள்விகளை எழுப்பியிருந்தார்.
ஐ.நாவின் கேள்விகளுக்கு அரசாங்கம் அளித்துள்ள பதில் மிகவும் மோசமானது. முழுமையான நீதித்துறை மறுசீரமைப்பின் ஒரு பகுதியாகவே இத்திருத்தம் செய்யப்படுகிறது. இதற்கு 2026 ஜூலையில் அமைச்சரவை ஒப்புதல் அளித்துவிட்டதாகவும் அரசு கூறியுள்ளது.
ஆனால், குறிப்பிட்ட எந்த திகதியும் இல்லாத இந்த அறிக்கை ஒரு அப்பட்டமான பொய்யாகும். அரசாங்கம் இலங்கை மக்களை மட்டுமன்றி சர்வதேச அமைப்பையும் ஏமாற்றப் பார்க்கிறது.” என்றார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
காணாமல் ஆக்கப்பட்டவர்களுக்கான போராட்டத்தை ஒடுக்குகிறதா அரசு? 12 மணி நேரம் முன்
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
யாழ்ப்பாணம், வவுனியா, கனடா, Canada, Montreal, Canada
31 Aug, 2015
