யாழ்.நகரில் வீடொன்றில் சட்டவிரோத கொல்களம் - சிக்கிய இருவர்

Sri Lanka Police Jaffna Sri Lanka Police Investigation Crime

By Thulsi Oct 13, 2026 08:37 AM GMT

Thulsi

in சமூகம்

Report

யாழ்ப்பாணத்தில் வீடொன்றில் சட்டவிரோதமான முறையில் இயங்கி வந்த கொல்களம் காவல்துறையினரால் முற்றுகையிடப்பட்டதுடன் இருவர் கைது செய்யப்பட்டுள்ளனர்.

குறித்த கைது நடவடிக்கை யாழ்ப்பாணம் - ஐந்து சந்தி பகுதியில் இடம்பெற்றுள்ளது.

கொல்களத்தில் இருந்து இரண்டு பசு மாடுகள் உயிருடன் மீட்கப்பட்டுள்ளதுடன், பெருந்தொகை இறைச்சியும் கைப்பற்றபட்டுள்ளதுடன், இருவர் கைது செய்யப்பட்டுள்ளனர்.

பெருந்தொகையான இறைச்சி

சம்பவம் தொடர்பில் மேலும் தெரியவருகையில், ஐந்து சந்தி பகுதியில் வீடொன்றில் சட்டவிரோதமான முறையில் மாடுகள் இறைச்சியாக்கப்படுவதாக காவல்துறையினருக்கு கிடைத்த இரகசிய தகவலின் அடிப்படையில் குறித்த வீட்டினை காவல்துறையினர் முற்றுகையிட்டனர்.

யாழ்.நகரில் வீடொன்றில் சட்டவிரோத கொல்களம் - சிக்கிய இருவர் | Illegal Slaughterhouse Raided In Jaffna 2 Arrested

அதன் போது, மாடுகளை இறைச்சியாக்கி அதனை பங்கு பிரித்துக்கொண்டிருந்த இருவரை காவல்துறையினர் கைது செய்ததுடன், அங்கிருந்த பெருந்தொகையான இறைச்சியையும் கைப்பற்றினர்.

வீட்டில் மேற்கொள்ளப்பட்ட சோதனை நடவடிக்கையில், இறைச்சியாக்கும் நோக்குடன் கட்டி வைக்கப்பட்டிருந்த இரண்டு பசு மாடுகளையும் காவல்துறையினர் மீட்டனர்.

கைது செய்யப்பட்ட இருவரையும், யாழ்ப்பாண காவல் நிலையத்தில் தடுத்து வைத்து காவல்துறையினர் மேலதிக விசாரணைகளை முன்னெடுத்துள்ளனர்.