2 ட்ரில்லியனை கடந்த உள்நாட்டு இறைவரித் திணைக்களத்தின் வருமானம்!

Economy of Sri Lanka Inland Revenue Department Income Tax Return

By Sathangani Oct 02, 2026 04:57 AM GMT

Sathangani

in பொருளாதாரம்

Report

2026 ஆம் ஆண்டு செப்டெம்பர் 30ஆம் திகதியளவில் உள்நாட்டு இறைவரித் திணைக்களத்தின் வருமானம் 2 ட்ரில்லியன் ரூபாயைக் கடந்துள்ளதாக தகவல் வெளியாகியுள்ளது.

அதற்கமைய, இந்த வருடம் ஜனவரி 1ஆம் திகதி முதல் செப்டம்பர் மாதம் 30ஆம் திகதி வரையான காலப்பகுதியில் அந்த திணைக்களத்தினால் சேகரிக்கப்பட்ட மொத்த வருமானம் 2,040 பில்லியன் ரூபாய் என குறிப்பிடப்பட்டுள்ளது.

2025 ஆம் ஆண்டின் இதே காலப்பகுதியில் சேகரிக்கப்பட்டிருந்த 1,642 பில்லியன் ரூபாய் வருமானத்துடன் ஒப்பிடுகையில், இது 398 பில்லியன் ரூபாய் அதிகரிப்பாகும் சுட்டிக்காட்டப்பட்டுள்ளது.

வரி செலுத்துவோரின் ஆர்வம்

2026 ஆம் ஆண்டிற்கான உள்நாட்டு இறைவரித் திணைக்களத்தின் வருடாந்த வருமான மதிப்பீடு 2,401 பில்லியன் ரூபாயாவதுடன், செப்டெம்பர் 30 ஆம் திகதியளவில் அதில் 85 சதவீதம் பூர்த்தி செய்யப்பட்டுள்ளது.

2 ட்ரில்லியனை கடந்த உள்நாட்டு இறைவரித் திணைக்களத்தின் வருமானம்! | Inland Revenue Department S Revenue Crosses 2 Tn

இதனிடையே, செப்டெம்பர் மாதத்தில் மட்டும் 288 பில்லியன் ரூபாய் வருமானம் சேகரிக்கப்பட்டுள்ளதுடன், இது கடந்த ஆண்டின் செப்டெம்பர் மாதத்தின் 216 பில்லியன் ரூபாய் வருமானத்துடன் ஒப்பிடுகையில் 72 பில்லியன் ரூபாய் அதிகரிப்பாகும்.

வரி செலுத்துவோரின் தன்னார்வ வரி செலுத்தும் ஆர்வம் மற்றும் வரி நிர்வாகத்தின் திறம்பட்ட செயற்பாடு ஆகியன இந்த வருமான வளர்ச்சிக்குப் பங்களித்துள்ளதாக உள்நாட்டு இறைவரித் திணைக்களம் தெரிவித்துள்ளமை குறிப்பிடத்தக்கது.