சிஎஸ்கேவிற்கு ஏற்பட்டுள்ள பின்னடைவு: விலகியுள்ள முக்கிய வீரர்!
Shadhu Shanker
in விளையாட்டு
கொல்கத்தாவுக்கு எதிராக இன்று(8) நடைபெறவுள்ள போட்டியில் சென்னை சூப்பர் கிங்ஸ் அணியின் முக்கிய வேகப்பந்து வீச்சாளரான மதீஷ பதிரன விளையாட மாட்டார் என தகவல்கள் வெளியாகியுள்ளது.
குறித்த தகவலை சென்னை அணியின் பந்து வீச்சு பயிற்சியாளர் எரிக் சைமன்ஸ் வெளியிட்டுள்ளார்.
இதுவரையில் 4 போட்டிகளில் விளையாடியுள்ள சென்னை சூப்பர் கிங்ஸ் அணி 2 போட்டிகளில் வெற்றியடைந்து 2 போட்டிகளில் தோல்வியடைந்துள்ளது.
முக்கிய வீரர்
கடைசியாக சன்ரைசர்ஸ் அணிக்கு எதிராக நடந்த போட்டியில் சென்னை அணி 6 விக்கெட் வித்தியாசத்தில் தோல்வியடைந்தது.
இந்த போட்டியிலும் மதீஷா பதிரனா பங்கேற்காதது பின்னடைவை ஏற்படுத்தியதாக விமர்சனங்கள் எழுந்துள்ளன. காயம் காரணமாக மதீஷா பதிரனா சன்ரைசர்ஸ் அணிக்கு எதிரான போட்டியில் பங்கேற்கவில்லை.
தற்போது காயத்திலிருந்து குணமடைந்து வரும் பதிரனா தொடர்ந்து மருத்துவர்களின் கண்காணிப்பில் இருப்பதாக தகவல்கள் தெரிவிக்கின்றன.
இந்நிலையில், விசா பரிசீலனைக்காக பங்களாதேஸ் சென்ற முஸ்தபிசுர் ரஹ்மான் இன்றைய போட்டியில் விளையாடுவார் என தகவல்கள் வெளியாகியுள்ளமையும் குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
