ஐ.பி.எல் ஏலத்தில் வீரரை மாற்றி எடுத்த அணி: அந்த வீரர் யார் தெரியுமா!
Shadhu Shanker
in கிரிக்கெட்
இந்தியன் பிரிமீயர் லீக்கின் (ஐ.பி.எல்.) மினி ஏலம் நேற்றைய முன் தினம்(19)டுபாயில் நடைபெற்றது.
இதில் ஐ.பி.எல் தொடரின் 10 அணிகளும் கலந்து கொண்டு தங்கள் அணிக்கான வீரர்களை வாங்கின.
இந்நிலையில் பஞ்சாப் கிங்ஸ் அணி உரிமையாளர்களான பிரீத்தி ஜிந்தா மற்றும் நெஸ் வாடியா இந்திய அணியில் இடம்பெறாத சஷான்க் சிங் என்ற வீரரை 20 இலட்சத்திற்கு ஏலத்தில் எடுத்தார்கள்.
குழப்பத்தில் பஞ்சாப் அணி
ஏலத்தில் வீரரை வாங்கிய பின் பிரீத்தி ஜிந்தா மற்றும் நெஸ் வாடியா ஆகியோர் குழப்பத்தில் இருந்தனர்.
அதிலிருந்து ஏலத்தில் சஷான்க் சிங்-ஐ வாங்கும் திட்டத்தில் இவர்கள் இருக்கவில்லை என்பது தெரிய வந்தது.
ஏலதாரர் மல்லிகா சாகரும் அணியில் வாங்க நினைக்காத வீரரை பஞ்சாப் அணி வாங்கியதையிட்டு ஆச்சரியமடைந்தார்.
சஷான்க் சிங் என்ற பெயரில் இரண்டு வீரர்கள் இருந்ததால் குழப்பத்தில் இருந்த பஞ்சாப் அணி 19 வயதான சஷான்க் சிங் என்ற வீரருக்கு பதில் 32 வயதான சஷான்க் சிங் என்ற வீரரை ஏலத்தில் எடுத்துள்ளது.
வாங்க நினைக்காத வீரர்
இது தொடர்பான தகவல்கள் சமூக வலைதளங்களில் பேசுபொருளாகியுள்ளது.
எனவே பஞ்சாப் கிங்ஸ் அணி இந்த விடயம் தொடர்பில் அவர்களது எக்ஸ் தளத்தில் விளக்கம் அளித்துள்ளது.
அந்த பதிவில், "சஷான்க் சிங்-ஐ வாங்க வேண்டும் என்ற திட்டம் எங்களிடம் இருந்தது.
பட்டியலில் ஒரே பெயருடன் இரண்டு வீரர்கள் இருந்ததே குழப்பத்திற்கு காரணமாகி விட்டது.
அவரை அணியில் எடுத்ததில் நாங்கள் மகிழ்ச்சி அடைகிறோம். எங்கள் வெற்றிக்கு அவர் பங்களிப்பதை பார்க்க விரும்புகிறோம்," என்று குறிப்பிட்டுள்ளது.
? Official Update ?
— Punjab Kings (@PunjabKingsIPL) December 20, 2023
Punjab Kings would like to clarify that Shashank Singh was always on our target list. The confusion was due to 2 players of the same name being on the list. We are delighted to have him onboard and see him contribute to our success.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
