டோஹாவிற்கு விரைந்தார் ஈரானிய அமைச்சர்...! போரை நிறுத்த தீவிர முயற்சி

United States of America Israel Iran World

By Shalini Balachandran Oct 05, 2026 05:20 PM GMT

Shalini Balachandran

in உலகம்

Report

ஈரானிய உள்நாட்டலுவல்கள் அமைச்சர் எஸ்கந்தர் மொமேனி (Eskandar Momeni) கதார் நாட்டின் உள்நாட்டலுவல்கள் அமைச்சரின் அழைப்பையேற்று டொஹாவிற்கு (Doha) உத்தியோகபூர்வ விஜயம் மேற்கொண்டுள்ளார்.

அமெரிக்கா மற்றும் இஸ்ரேல் உடனான மோதல்களை முடிவுக்குக் கொண்டுவருவதற்கான மத்தியஸ்த முயற்சிகள் தொடரும் பின்னணியில் இவ்விஜயம் மேற்கொள்ளப்பட்டுள்ளது.

இவ்விஜயத்தின் போது, கதார் உள்நாட்டலுவல்கள் அமைச்சர் ஷேக் காலித் பின் ஹமத் பின் கலீஃபா அல் தானி (Sheikh Khalid bin Hamad bin Khalifa Al Thani) மற்றும் பிற உயர் அதிகாரிகளுடன் அமைச்சர் மொமேனி பேச்சுவார்த்தை நடத்தவுள்ளதாக தெரிவிக்கப்படுகின்றது.

தொடர் தாக்குதல்கள்

அமெரிக்கா மற்றும் இஸ்ரேலின் தொடர் தாக்குதல்களால் ஈரான் பாதிக்கப்பட்ட போதிலும் தெஹ்ரானுக்கும் (Tehran) வாஷிங்டனுக்கும் (Washington) இடையிலான பேச்சுவார்த்தைகளை மீண்டும் தொடங்குவதற்கு கதார் தீவிர மத்தியஸ்த முயற்சியில் ஈடுபட்டு வருகிறது.

டோஹாவிற்கு விரைந்தார் ஈரானிய அமைச்சர்...! போரை நிறுத்த தீவிர முயற்சி | Iran Interior Minister Visits Qatar For Talks

இந்தநிலையில் ஈரானுக்கு எதிரான அமெரிக்க-இஸ்ரேல் தாக்குதல்களின் பொருளாதார விளைவுகள் மத்திய கிழக்கைத் தாண்டி உலகளவில் தாக்கத்தை ஏற்படுத்தியுள்ள ஒரு நிலநடுக்கம் என கதார் பிரதமர் ஷேக் முகமது பின் அப்துல்ரஹ்மான் பின் ஜாசிம் அல் தானி கடந்த மாதம் வர்ணித்திருந்தார் என்பது குறிப்பிடத்தக்கது.