வலிமையான இராணுவத்தை அழிப்போம் : ட்ரம்பிற்கு ஈரான் உச்ச தலைவர் கடும் எச்சரிக்கை
உங்களின் வலிமையான இராணுவத்தை அழிப்போம் என அமெரிக்க ஜனாதிபதி ட்ரம்புக்கு ஈரானின் உச்ச தலைவர் அயதுல்லா அலி கமெனி கடும் எச்சரிக்கை விடுத்து உள்ளார்.
தெஹ்ரானில் நடந்த ஒரு நிகழ்ச்சியில் பங்கேற்ற அயதுல்லா அலி கமெனி பேசியதாவது,
அமெரிக்க ஜனாதிபதி ட்ரம்ப் தாங்கள் உலகின் வலிமையான இராணுவப் படையை கொண்டுள்ளோம் என்று தொடர்ந்து கூறி வருகிறார். உலகின் வலிமையான இராணுவப் படை சில சமயங்களில் மீண்டும் எழுந்திருக்க முடியாத அளவுக்கு கடுமையாகத் தாக்கப்படலாம்.
போர்க்கப்பலை கடலுக்கு அடியில் அனுப்புவோம்
அமெரிக்கர்கள் ஈரானை நோக்கி ஒரு போர்க்கப்பலை அனுப்பியதாக தொடர்ந்து கூறுகிறார்கள். நிச்சயமாக ஒரு போர்க்கப்பல் ஒரு ஆபத்தான இராணுவ இருப்பு ஆகும். ஆனால் அந்த போர்க்கப்பலை விட ஆபத்தானது ஒன்று உள்ளது.
அது போர்க்கப்பலுக்கு கடலின் அடிப்பகுதிக்கு அனுப்பக் கூடிய ஆயுதம் ஆகும். ஈரான் அரசாங்கத்தை அகற்ற அமெரிக்கா பல ஆண்டுகளாக முயன்று அதில் தோற்றது. அதை நீங்களும் (ட்ரம்ப்) செய்ய முடியாது என்றார்.
அமெரிக்க துணை ஜனாதிபதியின் அறிவிப்பு
இதற்கிடையே அமெரிக்க துணை ஜனாதிபதி ஜே.டி.வான்ஸ் கூறும்போது, அணு சக்தி ஒப்பந்த பேச்சுவார்த்தையில் ஜனாதிபதி ட்ரம்ப் நிர்ணயித்த முக்கிய நிபந்தனைகளுக்கு ஈரான் இன்னும் உடன்படவில்லை.
ட்ரம்ப் கூறியது போல் இதை ஒரு பேச்சுவார்த்தை மூலம் தீர்க்க நாங்கள் மிகவும் விரும்புகிறோம். பேச்சுவார்த்தைகளை எவ்வளவு காலம் தொடர வேண்டும் என்பதை ட்ரம்ப் இறுதியில் முடிவு செய்வார் என்றார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
Kathirippai, அச்சுவேலி, விசுவமடு
19 Feb, 1997
