இஸ்லாமாபாத் குண்டுவெடிப்பின் எதிரொலி! உடன் நாடு திரும்பும் இலங்கை கிரிக்கெட் அணி

Cricket Sri Lanka Cricket Pakistan Pakistan national cricket team

By Dilakshan Nov 12, 2025 04:01 PM GMT

Dilakshan

in கிரிக்கெட்

Report

இஸ்லாமாபாத்தில் நடந்த தற்கொலை குண்டுவெடிப்பு தாக்குதலுக்குப் பிறகு, பாகிஸ்தானுக்கு சுற்றுப்பயணம் மேற்கொண்டிருந்த இலங்கை அணியின் 16 வீரர்கள் இலங்கைக்குத் திரும்ப முடிவு செய்துள்ளதாகத் தெரிவிக்கப்படுகிறது.

இதன் விளைவாக, நாளை (13) நடைபெறவிருக்கும் இரு நாடுகளுக்கும் இடையிலான இரண்டாவது ஒருநாள் போட்டியில் அவர்கள் விளையாட மாட்டார்கள் என்று கூறப்படுகிறது.

இருப்பினும், போட்டியைத் தொடர மாற்று அணியை அனுப்ப இலங்கை கிரிக்கெட் திட்டமிட்டுள்ளதாகத் தெரிவிக்கப்படுகிறது.

இலங்கை அணியின் பாதுகாப்பு

குண்டுவெடிப்புத் தாக்குதலைத் தொடர்ந்து, இலங்கை கிரிக்கெட் அணியின் பாதுகாப்பை பலப்படுத்த பாகிஸ்தான் பாதுகாப்புப் படையினர் நடவடிக்கை எடுத்திருந்தனர்.

இஸ்லாமாபாத் குண்டுவெடிப்பின் எதிரொலி! உடன் நாடு திரும்பும் இலங்கை கிரிக்கெட் அணி | Islamabad Blast Sri Lankan Cricket Team Returns

நாட்டின் மத்திய உள்துறை அமைச்சர் மற்றும் பாகிஸ்தான் கிரிக்கெட் (பிசிபி) தலைவர் மொஹ்சின் நக்வி இலங்கை அணி அதிகாரிகளைச் சந்தித்து முழு பாதுகாப்பை உறுதி செய்திருந்தார்.

நேற்று (11) மதியம் இஸ்லாமாபாத்தில் உள்ள நீதிமன்ற வளாகத்தின் முன் நடந்த தற்கொலை குண்டுவெடிப்பில் 12 பேர் கொல்லப்பட்டனர் மற்றும் பலர் காயமடைந்தனர்.

பயங்கரவாத தாக்குதல்கள்

இந்தத் தாக்குதலுக்கு தெஹ்ரீக்-இ-தலிபான் பாகிஸ்தான் (டிடிபி) அமைப்பை பாகிஸ்தான் நேரடியாகக் குற்றம் சாட்டியுள்ளது.

Image Credit: CNN

வெளிநாட்டு கிரிக்கெட் அணிகள் பாகிஸ்தானில் சுற்றுப்பயணம் மேற்கொண்டுள்ள பல சந்தர்ப்பங்களில் இதுபோன்ற பயங்கரவாத தாக்குதல்கள் பதிவாகியுள்ளன.

மூன்று ஆண்டுகளுக்கு முன்பு, நியூசிலாந்து அணி பாகிஸ்தானில் சுற்றுப்பயணம் மேற்கொண்டிருந்தபோது, அவர்களுக்கு எதிராக பயங்கரவாத தாக்குதல் நடத்தப்படலாம் என்று நம்பகமான உளவுத்துறை தகவல் கிடைத்தது.

இதன் விளைவாக, இரு நாடுகளுக்கும் இடையே நடைபெறவிருந்த வரையறுக்கப்பட்ட ஓவர்கள் கிரிக்கெட் போட்டி ரத்து செய்யப்பட்டு, அவர்கள் நியூசிலாந்துக்குத் திரும்பி இருந்தமை குறிப்பிடத்தக்கது.