பலஸ்தீன நோக்கத்தை தொடர்ந்தும் ஆதரிப்பேன் : மகிந்த வலியுறுத்து
இஸ்ரேலுக்கும் பலஸ்தீனத்துக்கும் இடையில் அதிகரித்து வரும் மோதல்களுக்கு மத்தியில் பலஸ்தீன மக்களுக்கு ஆதரவாக நிற்பதை உறுதிப்படுத்தும் வகையில் முன்னாள் அதிபர் மஹிந்த ராஜபக்ச கருத்து வெளியிட்டுள்ளார்.
கொழும்பில் உள்ள பலஸ்தீன தூதரகத்திற்கு இன்று (16) விஜயம் செய்திருந்த போதே அவர் தனது நிலைப்பாட்டினை வெளிப்படுத்திஇருந்தார்.
அதன்படி, பலஸ்தீன தூதருடன் கலந்துரையாடிய மகிந்த, உலகில் எந்த இடத்திலும் பயங்கரவாதத்திற்கு இடமில்லை என்றும், எந்தவொரு பிரச்சினைக்கும் போர் தீர்வாகாது என்றும் குறிப்பிட்டிருந்தார்.
இலங்கைப் போர்
மேலும், இழப்புகளை அதிகரிக்காமல் அமைதியான முறையில் விவாதங்களில் ஈடுபட்டு சுமூகமாக தீர்வு காண்பதே இந்தப் பிரச்சினைகளைத் தீர்ப்பதற்கான சிறந்த வழி என ராஜபக்ச வலியுறுத்தியிருந்தார்.
இலங்கைப் போரில் நிகழ்ந்த சொந்த அனுபவங்களிலிருந்தே தான் சமாதானத்தின் அவசியத்தைப் புரிந்துகொண்டுள்ளதாக அவர் வலியுறுத்தியிருந்தார்.
மேலும் பலஸ்தீனத்துடனான ஒற்றுமைக்கான இலங்கைச் சங்கத்தின் ஸ்தாபகத் தலைவர் என்ற முறையில் தான் பலஸ்தீன நோக்கத்தை தொடர்ந்தும் ஆதரித்து வருகிறேன், என்ற அவரது நிலைப்பாட்டினையும் இந்த இடத்திலே அவர் தெளிவுபடுத்தியிருந்தார்.
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026