ஆளுநர் வேதநாயகனின் ஊழல் குறித்து விசாரணை: விடுக்கப்பட்டுள்ள பகிரங்க கோரிக்கை

Tamils Jaffna Nagalingam Vedanayagam

By Shalini Balachandran Nov 09, 2026 02:00 AM GMT

Shalini Balachandran

in உலகம்

Report

வடக்கு மாகாணத்தின் தற்போதைய ஆளுநர் வேதநாயகன் யாழ் மாவட்ட அரசாங்க அதிபராக இருந்த போது இடம்பெற்ற ஊழல் முறைகேடுகள் தொடர்பில் தற்போதைய அரசு முறையான விசாரணையை நடத்துமா என கேள்வி எழுப்பப்பட்டுள்ளது.

இலங்கை ஆசிரியர் சங்கத்தின் பொதுச்செயலாளர் ஜோசப் ஸ்டாலின் கேள்வி இந்த கேள்வியை எழுப்பியுள்ளார்.

யாழ்ப்பாணத்தில் இடம்பெற்ற ஊடகவியலாளர் சந்திப்பில் கருத்து தெரிவிக்கும் போது அவர் இதனை தெரிவித்துள்ளார்.

ஊழல் முறைகேடுகள்

இது தொடர்பில் மேலும் தெரிவித்த அவர்,

தற்போது ஆட்சியில் உள்ள ஜனாதிபதி அநுர குமார திஸாநாயக்க தலைமையிலான அரசாங்கம் நாட்டில் இடம்பெற்ற ஊழல் முறைகேடுகள் தொடர்பில் உரிய விசாரணை நடத்துவோம் என ஆட்சிக்கு வந்தார்கள்.

ஆளுநர் வேதநாயகனின் ஊழல் குறித்து விசாரணை: விடுக்கப்பட்டுள்ள பகிரங்க கோரிக்கை | Joseph Stalin Questions Probe Into Governor

அதன் அடிப்படையில் கடந்த காலங்களில் ராஜபக்சககளால் மேற்கொள்ளப்பட்ட ஊழல் முறைகேடுகள் தொடர்பில் விசாரணைகள் இடம் பெற்று வருகின்றது.

அந்த வகையில் வட மாகாண ஆளுநராக இருக்கும் வேதநாயகன் அரசாங்க அதிபராக இருந்தபோது ஊழல் முறைகேடுகள் தொடர்பில் கணக்காய்வு அறிக்கையில் சுட்டிக் காட்டப்பட்டுள்ளது.

உரிய விசாரணைகள்

அதன் அடிப்படையில் இலஞ்ச ஊழல் ஆணை குழுவிடம் இலங்கை ஆசிரியர் சங்கம் முறைப்பாட்டை முன் வைத்திருக்கிறது.

யார் ஊழல் செய்தாலும் அவர்கள் தொடர்பில் உரிய விசாரணைகள் மேற்கொள்ளப்பட்டு சட்ட நடவடிக்கைகள் எடுக்கப்படும் என தற்போதைய அநுர தலைமையிலான அரசாங்கம் கூறுகிறது.

நாங்கள் அரசாங்கத்திடம் ஒரு கோரிக்கையை முன் வைக்கிறோம் வட மாகாண ஆளுநரின் ஊழல் முறைகேடுகள் தொடர்பில் குற்றச்சாட்டுகளை முன் வைத்துள்ள நிலையில் உங்களால் விசாரணை செய்து நடவடிக்கை எடுக்க முடியுமா என்ற கேள்வியை கேட்க விரும்புகிறோம்” என தெரிவித்துள்ளார்.