யாழ். போதனா வைத்தியசாலை தீ விபத்து குறித்து சத்தியமூர்த்தியின் அறிவிப்பு
பொது மக்கள் எவ்வித அச்சமும் இன்றி வழக்கம் போல் வைத்தியசாலைக்கு வந்து சிகிச்சைகளைப் பெற்றுக்கொள்ளலாம் என வைத்தியசாலையின் பணிப்பாளர் த. சத்தியமூர்த்தி தெரிவித்துள்ளார்.
யாழ்ப்பாணம் போதனா வைத்தியசாலையில் இன்றைய தினம் (09-05-2026) சனிக்கிழமை அதிகாலை பெரும் தீ விபத்து ஏற்பட்டது.
இது குறித்து ஊடகங்களுக்குக் கருத்து தெரிவிக்கும் போதே அவர் மேற்படி விடயத்தை தெரிவித்துள்ளார்.
வைத்தியசாலை ஊழியர்கள்
இது தொடர்பில் மேலும் தெரிவித்த அவர், “தீ விபத்து குறித்த தகவல் கிடைத்ததும் வைத்தியசாலை ஊழியர்கள், மாநகர சபை தீயணைப்புப் படையினர் மற்றும் முப்படையினர் இணைந்து தீயை அணைக்கும் பணியில் தீவிரமாக ஈடுபட்டனர்.
தீ பரவிய போதிலும், ஒரு தொகுதி மருந்துகள் பாதுகாப்பாக வெளியேற்றப்பட்டுள்ளன.
தற்போது சேதமடைந்த மருந்துகளின் விபரங்கள் மற்றும் அதன் பெறுமதி குறித்த கணக்கெடுப்பு பணிகள் நடைபெற்று வருகின்றன.
இந்த விபத்தினால் நோயாளர்களுக்கான மருந்து விநியோகத்தில் தட்டுப்பாடு ஏற்படாது.
உள்நாட்டு மருந்து களஞ்சியம் மற்றும் கிளினிக் பகுதிகளில் உள்ள மருந்தகங்கள் பாதிக்கப்படாததால் வழக்கம் போல் மருந்து விநியோகம் தொடரும்.
மின் கசிவு
தட்டுப்பாட்டைத் தவிர்க்க, மத்திய சுகாதார அமைச்சு மற்றும் யாழ் பிராந்திய சுகாதார சேவைகள் பணிப்பாளரின் ஊடாக மேலதிக மருந்துகளைப் பெற்றுக்கொள்ள நடவடிக்கைகள் எடுக்கப்பட்டுள்ளன.
தீ விபத்துக்கான காரணம் இதுவரை கண்டறியப்படவில்லை.
மின் கசிவு காரணமாக இருக்கலாம் என சந்தேகிக்கப்படும் நிலையில் காவல்துறையினர் இது தொடர்பான மேலதிக விசாரணைகளை முன்னெடுத்துள்ளனர்.
பொது மக்கள் எவ்வித அச்சமும் இன்றி வழக்கம் போல் வைத்தியசாலைக்கு வந்து சிகிச்சைகளைப் பெற்றுக்கொள்ளலாம்.
சிகிச்சைகளோ அல்லது மருந்து விநியோகமோ தடைபடாது என்பதை உறுதிப்படுத்துகிறோம்” எனத் தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
புங்குடுதீவு 4ம் வட்டாரம், கொழும்பு, Paris, France, Zürich, Switzerland
13 Apr, 2026
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
தெல்லிப்பழை, உருத்திரபுரம், Cergy, France, Coventry, United Kingdom
13 May, 2022
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
