அமெரிக்க வரலாற்றில் மோசமான ஜனாதிபதி ட்ரம்ப் :கருத்து கணிப்பில் அதிர்ச்சி தகவல்

அமெரிக்க ஜனாதிபதி ட்ரம்ப் மற்றும் அவரது அரசு குறித்து அந்நாட்டு மக்களிடம் அண்மையில் கருத்து கணிப்பு நடத்தப்பட்டது. ஏபிசி நியூஸ் மற்றும் வோஷிங்டன் போஸ்ட் இணைந்து இந்த கருத்துக்கணிப்பை நடத்தியது.

இதில் பெரும்பான்மையான அமெரிக்க மக்கள் ட்ரம்ப்மீது கடும் அதிருப்பதியில் இருப்பதாக தெரியவந்துள்ளது.

அமெரிக்க உச்ச நீதிமன்றம் ட்ரம்பின் இறக்குமதி வரி கொள்கைகளை இரத்து செய்வதற்கு முன்னதாக இந்தக் கருத்து கணிப்பு நடத்தப்பட்டது.

வரிவிதிப்பு கொள்கைகளுக்கு பெருமளவானோர் எதிர்ப்பு

இதன்படி, 65% அமெரிக்கர்கள் டிரம்ப் பணவீக்கத்தைக் கையாள்வதில் தோல்வியடைந்துள்ளதாக கருதுகின்றனர். டிரம்பின் வரி விதிப்புக் கொள்கைகளுக்கு 64% மக்கள் எதிர்ப்பு தெரிவித்துள்ளனர். 34% பேர் மட்டுமே இதை ஆதரிக்கின்றனர்.

ட்ரம்பின் சர்வதேச உறவுகள் மற்றும் வெளியுறவுக் கொள்கைகளை 62% மக்கள் அங்கீகரிக்கவில்லை. குடியேற்றக் கொள்கைகளில் 58% பேர் அதிருப்தி தெரிவித்துள்ளனர்.

குடியேற்றக் கொள்கைகளுக்காக இராணுவ பயன்பாடு

குடியேற்றக் கொள்கைகளுக்காக இராணுவத்தைப் பயன்படுத்தும் அவரது திட்டத்திற்கு 54% மக்கள் எதிர்ப்பு தெரிவித்துள்ளனர். குறிப்பாக, மினியாபோலிஸ் நகரில் கடந்த மாதம் நடந்த அமலாக்க நடவடிக்கைகளின் போது இரு அமெரிக்கக் குடிமக்கள் சுட்டுக்கொல்லப்பட்ட பிறகு இந்த அதிருப்தி அதிகரித்துள்ளது.

ஒட்டுமொத்தப் பொருளாதார நிர்வாகத்தில் 57% மக்கள் அதிருப்தி கொண்டுள்ளனர்.

அமெரிக்க வரலாற்றிலேயே மிக மோசமான ஜனாதிபதி

நாட்டின் பிரச்சனைகளைத் தீர்க்க எந்தக் கட்சி சிறந்தது என்ற கேள்விக்கு, ட்ரம்ப் உடைய குடியரசுக் கட்சி கட்சி என 33% பேரும், ஜனநாயகக் கட்சி என 31% பேரும், யாருமில்லை இல்லை என 31% பேரும் தெரிவித்துள்ளனர்.

Yahoo மற்றும் YouGov நடத்திய மற்றொரு சமீபத்திய ஆய்வில், அமெரிக்க வரலாற்றிலேயே மிக மோசமான ஜனாதிபதியாக ட்ரம்ப்-ஐ 40% அமெரிக்கர்கள் தேர்வு செய்துள்ளனர்.

ட்ரம்ப்பின் ஒட்டுமொத்த அங்கீகார விகிதம் 39% ஆகக் குறைந்துள்ளது. வெறும் 12% பேர் மட்டுமே அவரை ஒரு சிறந்த ஜனாதிபதி என்று கருதுகின்றனர்.

பிரித்தானியா சென்று பெருத்த ஏமாற்றம்! கவலையில் நாமல் வெளியிட்ட அறிவிப்பு

இத்தாலி மகளிர் கிரிக்கெட் அணியின் இலங்கை பயிற்சியாளர் மீது பாலியல் குற்றச்சாட்டு