வெலிக்கடை காவல்நிலையத்தில் கொடூரமாக கொல்லப்பட்ட இளைஞர்
Shalini Balachandran
in சட்டம் மற்றும் ஒழுங்கு
வெலிக்கடை (Welikada) காவல் நிலையத்தில் சித்திரவதைக்கு உள்ளாகி இளைஞர் ஒருவர் உயிரிழந்து இருக்கும் விடயம் பாரிய அதிர்ச்சியை ஏற்படுத்தியுள்ளது.
பதுளை (Badulla) மீகஹகிவுலவைச் சேர்ந்த எம். சத்சர நிமேஷ் என்ற இளைஞரே இவ்வாறு கொலை செய்யப்பட்டுள்ளதாக தெரிவிக்கப்பட்டுள்ளது.
சம்பவம் தொடர்பில் மேலும் தெரியவருகையில், கொலை செய்யப்பட்ட இளைஞர் வெலிக்கடை காவல்துறையினாரால் சந்தேகத்தின் பேரில் கைது செய்யப்பட்டுள்ளார்.
மோசமான சித்திரவதை
இதன்பின், கடந்த முதலாம் திகதி அவர் மோசமான சித்திரவதைக்கு உட்படுத்தப்பட்டு கொலை செய்யப்பட்டுள்ளதாக தகவல் வெளியாகியுள்ளது.
தற்போது இவ்விடயம் வெளியே கசிந்துள்ள நிலையில் சமூக வலைதளங்களில் பாரிய சர்ச்சை வெடித்துள்ளது.
சிறைக்கைதிகளின் உரிமை
இந்தநிலையில், சம்பவம் தொடர்பில் சிறைக்கைதிகளின் உரிமைகளைப் பாதுகாக்கும் குழுவின் நிர்வாக பணிப்பாளர் சட்டத்தரணி சேனக பெரேரா, பதில் காவல்துறைமா அதிபரிடம் எழுத்து மூலம் கோரிக்கை ஒன்றை விடுத்துள்ளார்.
இது தொடர்பில் அவர் தெரிவித்துள்ளதாவது, “வெலிக்கடை காவல் நிலையத்தில் சித்திரவதை செய்யப்பட்டு கொல்லப்பட்டதாகக் கூறப்படும் பதுளை மீகஹகிவுலயைச் சேர்ந்த எம். சாட்சர நிமேஷ் என்ற இளைஞனுக்கு நீதி வழங்கப்பட வேண்டும்.
ராஜ் குமாரி என்ற பெண் காவல்துறையின் காவலில் இருந்த போது தாக்கப்பட்டு இறந்ததற்காக கடமை தவறியதற்காக தலைமை காவல்துறை அதிகாரி சிந்தக என்ற அதிகாரி தண்டிக்கப்பட வேண்டும்.
எதிராக முறைப்பாடு
ஆனால், அவர் இன்னும் வெலிக்கடை காவல் நிலைய அதிகாரியாகவே செயல்படுகின்றார்.
அப்போது யார் இவற்றுக்குப் பொறுப்பு ? ஒரு பிரதிவாதிக்கு எதிராக முறைப்பாடு இருக்கும் போது, அந்தப் முறைப்பாட்டு ஆதார எண்ணைக் கூட பிரதிவாதிக்கு வழங்க அவர்கள் வெளிப்படையாக மறுக்கிறார்கள்.
(காவல்துறை ஆணைக்குழுவுக்கு முறைப்பாடு செய்யப்பட்டுள்ளது).
இலங்கை காவல்துறை
வெலிக்கடை காவல் நிலையத்தில் கைது செய்யப்பட்டவர்களை தாக்கி இவ்வாறு கொலை செய்வது யாருடைய அதிகார பலத்தால் நடக்கிறது ?
கௌரவ பதில் காவல்துறைமா அதிபர் பிரியந்த வீரசூரியவின் தலைமையில் இலங்கை காவல்துறை சரியான பாதையில் செல்லும் என நாம் நம்பிக்கையுடன் உள்ளோம்.
மனிதர்களாகிய நாம் இவற்றுக்கு எதிராக குரல் எழுப்ப வேண்டும்” என அவர் தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
அனலைதீவு 3ம் வட்டாரம், புங்குடுதீவு 5ம் வட்டாரம், Bünde, Germany, Selm, Germany
11 Jul, 2024
