வெளிநாடொன்றில் இழுத்து மூடப்படும் மைக்ரோசொப்ட் அலுவலகம்
Sumithiran
in தொழில்நுட்பம்
25 ஆண்டுகளுக்குப் பிறகு பாகிஸ்தானில்(pakistan) உள்ள தனது அலுவலகத்தை மூட மைக்ரோசொப்ட்நிறுவனம்(microsoft) நடவடிக்கை எடுத்துள்ளது.
தனது பணியாளர்களைக் குறைப்பதற்கான உலகளாவிய உத்தியின் ஒரு பகுதியாக, தொழில்நுட்ப நிறுவனமான மைக்ரோசொப்ட் பாகிஸ்தானில் உள்ள இந்த அலுவலகத்தை மூடுவதாக அறிவித்துள்ளது.
அதன்படி, கடந்த வியாழக்கிழமை முதல் பாகிஸ்தானில் உள்ள தனது அலுவலகத்தை மூட அந்நிறுவனம் நடவடிக்கை எடுத்துள்ளது.
பாகிஸ்தானில் ஏற்பட்டுள்ள பொருளாதார நெருக்கடி
2023 ஆம் ஆண்டுக்குப் பிறகு மிகப்பெரிய பணியாளர் குறைப்புக்களான (9,000 பணியாளர் குறைப்புகளுக்கு கூடுதலாக) இந்த செயல்முறை மேற்கொள்ளப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.
இதற்கிடையில், பாகிஸ்தானில் உள்ள வணிகங்கள் எதிர்கொள்ளும் போராட்டங்கள், நாணய மதிப்புக் குறைப்பு மற்றும் வெளிநாட்டு முதலீட்டில் ஏற்பட்ட சரிவு உள்ளிட்ட நாட்டின் பொருளாதார உறுதியற்ற தன்மை இந்த நடவடிக்கைக்கு வழிவகுத்ததாக மைக்ரோசொப்டின் முன்னாள் பாகிஸ்தான் தலைவர் ஜவாத் ரெஹ்மான் தனது லிங்க்ட்இன் கணக்கில் ஒரு பதிவில் தெரிவித்துள்ளார்.
பாகிஸ்தானுக்கு அருகிலுள்ள நாடுகளில் இருந்து சேவை
பாகிஸ்தானில் உள்ள அதன் அலுவலகம் மூடப்பட்டிருந்தாலும், பாகிஸ்தானுக்கு அருகிலுள்ள நாடுகளில் அமைந்துள்ள பிற மைக்ரோசொப்ட் அலுவலகங்கள் மூலம் பாகிஸ்தான் வாடிக்கையாளர்களுக்கு தனது சேவைகளை தொடர்ந்து வழங்கும் என்று நிறுவனம் கூறியுள்ளது.
இந்தத் திட்டம் உலகெங்கிலும் உள்ள பல நாடுகளில் வெற்றிகரமாக செயல்படுத்தப்பட்டுள்ளதால், அதன் வாடிக்கையாளர்கள் எதிர்காலத்தில் உயர் மட்ட சேவையை தொடர்ந்து வழங்குவார்கள் என்று நிறுவனம் தெரிவித்துள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
ஆவரங்கால், கொழும்பு, London, United Kingdom
05 Oct, 2025
கோண்டாவில், சுண்டிக்குளி, Vancouver, Canada, Brampton, Canada
05 Oct, 2025
மட்டுவில், பெரிய அரசடி, வெள்ளவத்தை, Harrow, United Kingdom, Oxford, United Kingdom
28 Sep, 2025
யாழ் அல்லைப்பிட்டி கிழக்கு, Jaffna, கொழும்பு, Markham, Canada
04 Oct, 2023
