யாழில் மாயமான மூதாட்டி கண்டுபிடிக்கப்பட்டார்! (படங்கள்)

Police Jaffna Ratnapura Kokuvil Missing Grandma

By Chanakyan Mar 29, 2022 06:57 AM GMT

Chanakyan

in இலங்கை

Report

யாழ் - கொக்குவில் பகுதியில் மூதாட்டி ஒருவரை காணவில்லை என யாழ்ப்பாணம் காவல் நிலையத்தில் முறைப்பாடு செய்ய்ப்பட்ட நிலையில் அவர் தற்போது வவுனியாவில் இருப்பதாக உறவினர்கள் தெரிவித்துள்ளனர்.

இந்த விடயத்தினை வவுனியா காவல்துறையினர் தமக்குத் தெரியப்படுத்தியுள்ளதாகவும் அவர்கள் மேலும் தெரிவித்துள்ளனர்.

மீட்கப்பட்ட அவர் யாழ்ப்பாணத்தில் இருந்து வவுனியாவிற்கு எவ்வாறு வந்தார் என்ற கோணத்தில் காவல்துறையினர் விசாரணையினை மேற்கொண்டு வருகின்றனர்.

கொக்குவில் - தலையாழி - சேர் பொன்னம்பலம் வீதியில் வசித்துவந்த கந்தையா தனபாக்கியம் (வயது - 65) என்ற மூதாட்டியைக் காணவில்லை என அவரது மருமகளினால் முறைப்பாடு பதிவு செய்யப்பட்டமை குறிப்பிடத்தக்கது.

முதலாம் இணைப்பு

யாழ் - கொக்குவில் பகுதியில் மூதாட்டி ஒருவரை காணவில்லை என யாழ்ப்பாணம் காவல் நிலையத்தில் முறைப்பாடு ஒன்று பதிவு செய்யப்பட்டுள்ளது.

கொக்குவில் - தலையாழி - சேர் பொன்னம்பலம் வீதியில் வசித்துவந்த கந்தையா தனபாக்கியம் (வயது - 65) என்ற மூதாட்டியே இவ்வாறு காணாமல் போயுள்ளதாக அவரது மருமகளினால் முறைப்பாடு பதிவு செய்யப்பட்டுள்ளது.

சம்பவம் தொடர்பில் தெரியவருகையில்,

இரத்தினபுரி - பாலங்கொடை - ரக்வானை பிதேசத்தை சேர்ந்த இவர் கடந்த வாரமே தனது மருமகள் வீட்டிற்கு வருகை தந்துள்ளார். நேற்று மாலை வேளை கடைக்கு செல்வதாக கூறிவிட்டு சென்றுள்ளார்.

நீண்ட நேரமாகியும் வீடு திரும்பாத நிலையில், அவரைத் தேடியபோது காணாத நிலையில் யாழ்ப்பாணம் காவல் நிலையத்தில் முறைப்பாட்டினை பதிவு செய்துள்ளனர்.

இது தொடர்பில் யாழ்ப்பாணம் காவல்துறையினர் விசாரணைகளை முன்னெடுத்துள்ளனர்.

மேலும் இவரைக் கண்டால் 0755305587 என்ற தொலைபேசி இலக்கத்திற்கு தகவல் வழங்குமாறு அவரது உறவினர்கள் கேட்டுக் கொண்டுள்ளனர்.