தொழில் மற்றும் வெளிநாட்டு வேலைவாய்ப்பு அமைச்சின் ஏற்பாட்டில் முல்லைத்தீவில் மாபெரும் நடமாடும் சேவை...!

Mullaitivu Manusha Nanayakkara Israel Foreign Employment Bureau

By Kathirpriya May 06, 2024 04:59 AM GMT

Kathirpriya

in சமூகம்

Report

தொழில் மற்றும் வெளிநாட்டு வேலைவாய்ப்பு அமைச்சினால் "நானே ஆரம்பம் வெல்வோம் சிறிலங்கா - சிமார்ட் சூரன்களோடு" எனும் தொனிப்பொருளிலான நடமாடும் சேவை ஒன்று இடம்பெற்று வருவதாக தெரிவிக்கப்படுகிறது.

அதன்படி இந்த நிகழ்வானது இன்று (03) முல்லைத்தீவு புதுக்குடியிருப்பு (Mullaitivu - Puthukkudiyiruppu) பிரதேசசபை மைதானத்தில் சிறப்பாக நடைபெற்று வருகிறது.

இந்நிகழ்வில் தொழில் மற்றும் வெளிநாட்டு வேலைவாய்ப்பு அமைச்சர் மனுஷ நாணயக்கார (Manusha Nanayakkara), இராஜாங்க அமைச்சரும் முல்லைத்தீவு மாவட்ட ஒருங்கிணைப்புக்குழு தலைவருமான காதர் மஸ்தான்(Kadhar Masthan), நாடாளுமன்ற உறுப்பினர் வினோ நோகராதலிங்கம் (Vino Nokarathalingam), தொழில் மற்றும் வெளிநாட்டு வேலைவாய்ப்பு அமைச்சின் அதிகாரிகள், வடமாகாண பிரதம செயலாளர், முல்லைத்தீவு மாவட்ட செயலாளர் அ.உமாமகேஸ்வரன் (Umamaheshwaran) மற்றும் மேலதிக மாவட்ட செயலாளர் சி.குணபாலன் (S.Gunabaalan) உள்ளிட்ட அரச அதிகாரிகள் எனப் பலரும் கலந்து கொண்டனர்.

தொழில் வங்கி

இந்த நிகழ்வில், இஸ்ரேல் (Israel) நாட்டின் தொழில்நுட்பம், விவசாயம் மற்றும் கட்டுமானத்துறைகளில் வேலை வாய்ப்புகளுக்கு பதிவு செய்தல் உள்ளிட்ட வெளிநாட்டு வேலை வாய்ப்புகளோடு மேலும் பல சேவைகளை பற்றி கலந்துரையாடப்பட்டது.

தொழில் மற்றும் வெளிநாட்டு வேலைவாய்ப்பு அமைச்சின் ஏற்பாட்டில் முல்லைத்தீவில் மாபெரும் நடமாடும் சேவை...! | Mobility Service Mullaitivu For Foreign Employment

குறித்த நிகழ்வானது இன்றும் (06) நாளையுமாக (07) இரு தினங்களுக்கு நடைபெறவுள்ள நிலையில், இந்த நிகழ்வில், தெளிவூட்டல்கள் வெளிநாட்டு வேலைவாய்ப்புகள், வெளிநாடுகளில் பணிபுரிவோரின் முறைப்பாடுகளை பொறுப்பேற்றல், தொழில் வங்கியில் பதிவு செய்தல்,

உத்தேச தொழில்வாய்ப்புகள்

உத்தேச தொழில்வாய்ப்புகள், சட்டம் தொடர்பான விழிப்புணர்வு, வெளிநாடுகளில் பணிபுரிவோரின் பிள்ளைகளுக்கு பாடசாலை உபகரணங்கள் வழங்கல் போன்ற பல சேவைகள் நடமாடும் சேவையூடாக முன்னெடுக்கப்பட்டுள்ளது.

அதுமாத்திரமல்லாமல் ருமேனியா, மத்திய கிழக்கு நாடுகள், இஸ்ரேல், ஐரோப்பா நாடுகளில் தொழில் ஒன்றை பெற்றுக் கொள்வது தொடர்பாக முகவர் நிறுவனங்களால் தெளிவூட்டல்களும் வழங்கி வைக்கப்படுகின்றமை குறிப்பிடத்தக்கது.