நாங்களும் மனிதர்களே – வைரலாகும் நாமல் ராஜபக்சவின் சமூக வலைத்தள பதிவு

Namal Rajapaksa Rajapaksa Family Prisons in Sri Lanka Prison

By Thulsi Nov 03, 2026 05:40 AM GMT

Thulsi

in அரசியல்

Report

கைது செய்யப்பட்டு தடுத்து வைக்கப்பட்டுள்ளவர்களின் உயிரைப் பாதுகாப்பது அரசாங்கத்தின் பொறுப்பு எனவும் ஸ்ரீலங்கா பொதுஜன பெரமுனவின் நாடாளுமன்ற உறுப்பினர் நாமல் ராஜபக்ச தெரிவித்துள்ளார்.

குறித்த விடத்தை அவர் தனது உத்தியோகபூர்வ x சமூக வலைத்தளப் பதிவில் குறிப்பிட்டுள்ளார்.

அந்த பதிவில் மேலும் குறிப்பிடுகையில், நீர்கொழும்பு சிறைச்சாலையில் இடம்பெற்ற துயரச் சம்பவத்தில் 28 பேர் உயிரிழந்ததாகவும், மரண விசாரணை அறிக்கைகளின்படி அவர்களில் 17 பேர் துப்பாக்கிச் சூட்டுக் காயங்களாலும், 11 பேர் தாக்குதல்களுக்கு உள்ளாகியும் உயிரிழந்துள்ளதாக நீதிமன்றத்தில் தெரியவந்ததாகவும் அவர் சுட்டிக்காட்டியுள்ளார்.

காவலில் உள்ளவர்களின் பாதுகாப்பு

அத்துடன், மற்றுமொரு உயிரிழப்புச் சம்பவம் மற்றும் குருநாகல், கொபேகனே பகுதியில் 41 வயதுடைய நபர் உயிரிழந்த சம்பவம் ஆகியவையும் அரச காவலில் உள்ளவர்களின் பாதுகாப்பு தொடர்பில் பாரிய கேள்விகளை எழுப்பியுள்ளதாக அவர் தெரிவித்துள்ளார்.

நாங்களும் மனிதர்களே – வைரலாகும் நாமல் ராஜபக்சவின் சமூக வலைத்தள பதிவு | Namal Rajapaksa On X Post Controversial

நீர்கொழும்பு சம்பவம் இடம்பெற்று சுமார் நான்கு மாதங்கள் கடந்துள்ள போதிலும், சட்ட மருத்துவ அறிக்கைகள் இதுவரை கிடைக்கப்பெறவில்லை எனவும், பொறுப்புக்கூறல் தொடர்பான பிரச்சினைக்கு இன்னமும் தீர்வு காணப்படவில்லை எனவும் நாமல் ராஜபக்ஷ குறிப்பிட்டுள்ளார்.

இது தொடர்பில் மனித உரிமைகள் ஆணைக்குழுவும் தீவிர கவனம் செலுத்தி, சுயாதீன விசாரணைகளுக்கு அழைப்பு விடுத்துள்ளதாக அவர் தனது பதிவில் தெரிவித்துள்ளார்.

சட்டத்தின் ஆட்சி தெரிவுசெய்யப்பட்ட முறையில் நடைமுறைப்படுத்தப்படும்போது அதன் அர்த்தம் இல்லாமல் போகிறது. அரசியல் இலாபங்களுக்கு அப்பால் சென்று நீதி நிலைநாட்டப்பட வேண்டும் என அவர் வலியுறுத்தியுள்ளார்.

ஒருவரின் சுதந்திரத்தைக் கட்டுப்படுத்த முடியும் என்றாலும், அவரது வாழ்வுரிமை, கண்ணியம் மற்றும் பாதுகாப்பை ஒருபோதும் பறிக்க முடியாது எனவும் நாமல் ராஜபக்ஷ மேலும் தெரிவித்துள்ளார்.