நாடு முழுவதும் ஏற்பட்ட திடீர் மின் தடை - வெளியானது பின்னணி
நாடு முழுவதும் கடந்த 17 ஆம் திகதி ஏற்பட்ட திடீர் மின் தடை தொடர்பிலான விசாரணை அறிக்கை வெளியாகி உள்ளது.
மின்வெட்டு தொடர்பான பூர்வாங்க அறிக்கையை தேசிய மின் கட்டமைப்பு செயல்பாட்டு நிறுவனம், (National System Operator) பொதுப் பயன்பாடுகள் ஆணைக்குழுவிடம் சமர்ப்பித்துள்ளது.
குறித்த அறிக்கையின்படி, அன்றைய தினம் காலை 11.43 மணியளவில் நுரைச்சோலை லக்விஜய மின் நிலையத்தின் முதலாவது மின் உற்பத்தி அலகில் விநியோகிக்கப்பட்டு வந்த 187 மெகாவாட் மின்சாரம் 450 மில்லி செக்கன்களுக்குள் மின்சார கட்டமைப்பில் இருந்து துண்டிக்கப்பட்டுள்ளது.
செயலிழப்பதைத் தவிர்க்க முடியவில்லை
இதன் காரணமாக மின்சார அமைப்பின் அதிர்வெண் (Frequency) வேகமாக 48.75 ஹெர்ட்ஸாகக் குறைவடைந்துள்ளதுடன், குறித்த சம்பவம் ஆரம்பமாகி 4.1 செக்கன்களுக்குள் ஒட்டுமொத்த மின்சார கட்டமைப்பும் செயலிழந்துள்ளதாக அந்த அறிக்கையில் சுட்டிக்காட்டப்பட்டுள்ளது.
மின்சார அமைப்பின் அதிர்வெண் குறையும் சந்தர்ப்பங்களில் அதன் ஸ்திரத்தன்மையைப் பாதுகாப்பதற்காகச் செயற்படுத்தப்படும் தானியங்கி மின் சுமை துண்டிப்பு முறையின் (Under Frequency Load Shedding – UFLS) 5 கட்டங்களும் அந்தச் சந்தர்ப்பத்தில் செயற்படுத்தப்பட்டுள்ளதாக தேசிய மின் கட்டமைப்பு செயல்பாட்டு நிறுவனம் தனது அறிக்கையில் குறிப்பிட்டுள்ளது.
இதற்கமைய, 449.2 மெகாவாட்டுகளுக்கு இணையான மின்சாரம் துண்டிக்கப்பட்டுள்ளதுடன், இது மின் தடை ஏற்படுவதற்கு முன்னர் இருந்த 1,135 மெகாவாட் ஒட்டுமொத்த மின் உற்பத்தியில் 39.6 சதவீதத்திற்குச் சமமானதாகும் என அந்த அறிக்கையில் தெரிவிக்கப்பட்டுள்ளது.
எனினும், குறித்த சம்பவத்தினால் மின்சார கட்டமைப்பு முழுமையாகச் செயலிழப்பதைத் தவிர்க்க முடியவில்லை என்றும் அந்த அறிக்கையில் சுட்டிக்காட்டப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
அல்லைப்பிட்டி, பிரான்ஸ், France
12 Nov, 2011
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
