ஒன்மெக்ஸ் வாடிக்கையாளர்களுக்கு மகிழ்ச்சியான அறிவிப்பு: மீள வழங்கப்படவுள்ள பணம்
ஒன்மெக்ஸ் (Onmax) பிரமிட் திட்டத்துடன் தொடர்புடைய பணத்தை முதலீடு செய்து பணத்தை இழந்த வைப்பாளர்களுக்கு இரண்டு வருடங்களுக்குள் பணத்தை மீள வழங்க நடவடிக்கை எடுக்கப்படவுள்ளது.
குறித்த விடையத்தை இன்று (28) கொழும்பு (Colombo) நீதவான் நீதிமன்றில் அந்த நிறுவனத்தின் பணிப்பாளர்கள் அறிவித்துள்ளனர்.
இந்த நிலையில், கொழும்பு பிரதான நீதவான் திலின கமகே (Thilina Gamage) முன்னிலையில் அழைக்கப்பட்ட போது, அதன் பணிப்பாளர்கள் சார்பில் முன்னிலையான அதிபர் சட்டத்தரணி அனுஜ பிரேமரத்ன (Anuja Premaratna) இந்த அறிவித்தலை விடுத்துள்ளார்.
வைப்பாளர்களுக்கு பணம்
குறிப்பாக, தனது நிறுவனத்தில் பணத்தை வைப்பிலிட்ட 61,000 வைப்பாளர்களுக்கு பணம் மீள வழங்கப்பட உள்ளதாக அதிபரின் சட்டத்தரணி அனுஜ பிரேமரத்ன நீதிமன்றத்தில் மேலும் தெரிவித்தார்.
மேலும், செலுத்தப்பட வேண்டிய தொகை 18 பில்லியன் அமெரிக்க டொலர்கள் எனவும் சட்டத்தரணி குறிப்பிட்டுள்ளார்.
வங்கிக் கணக்குகள்
தமது நிறுவனம் தொடர்பான வங்கிக் கணக்குகள் நீதிமன்றத்தினால் தடை செய்யப்பட்டுள்ளதாகவும், தடை நீக்கப்பட்டால், இரண்டு வருடங்களில் அது தொடர்பான பணத்தை வைப்பாளர்களுக்கு திருப்பிச் செலுத்த முடியும் எனவும் சட்டத்தரணி தெரிவித்துள்ளார்.
அத்துடன், பிரதிவாதிகள் தமது வாடிக்கையாளர்களுக்கு 25 கோடி ரூபாவை திருப்பி செலுத்த வேண்டியுள்ளதாக பணத்தை இழந்த வைப்பாளர்கள் சார்பில் முன்னிலையான சட்டத்தரணி நாமல் ராஜபக்ச (Namal Rajapaksa) நீதிமன்றத்தில் குறிப்பிட்டுள்ளார்.
நீதவான் உத்தரவு
இதன்போது, தமக்கு செலுத்த வேண்டிய பணத்தின் அனைத்து விபரங்களையும் பிரதிவாதிக்கு வழங்க நடவடிக்கை எடுக்குமாறு வைப்பாளர்களுக்கு நீதவான் உத்தரவிட்டுள்ளார்.
அதன் பின்னர், விசாரணைகளை மேற்கொள்ளும் குற்றப் புலனாய்வுத் திணைக்களத்துடன் கலந்துரையாடி உரிய பணத்தை மீளச் செலுத்துவதற்கான வேலைத்திட்டத்தை தயாரித்து நீதிமன்றில் சமர்ப்பிக்குமாறு நீதவான் பிரதிவாதிக்கு அறிவித்தார்.
மீண்டும் விசாரணை
அதன் பின்னர், குறித்த முறைப்பாட்டை ஜூலை மாதம் 09 ஆம் திகதி மீண்டும் விசாரணைக்கு எடுத்துக் கொள்ளுமாறும், அன்றைய தினம் இந்த நடவடிக்கைகளின் முன்னேற்றம் குறித்து தெரிவிக்குமாறும் தரப்பினருக்கு நீதவான் கூறியுள்ளார்.
மேலும், இந்த வழக்கின் சந்தேகநபர்களான நிறுவனத்தின் 5 பணிப்பாளர்களும் நீதிமன்றில் முன்னிலைப்படுத்தப்பட்டு பிணையில் விடுவிக்கப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மாத்தளை, கிளிநொச்சி, புங்குடுதீவு 3ம் வட்டாரம், புங்குடுதீவு குறிகட்டுவான், Villeneuve-Saint-Georges, France
22 May, 2026
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015