வறுமைக் கோட்டின் கீழ் வாழும் குடும்பங்களுக்கு நிரந்தர வீடு வழங்கி வைப்பு

Trincomalee Sri Lanka Sri Lankan Peoples

By Dilakshan Aug 06, 2024 09:58 PM GMT

Dilakshan

in சமூகம்

Report

திருகோணமலை (Trincomalee) மக்கள் சேவை மன்றத்தினால் வறுமைக் கோட்டின் கீழ் வாழும் குடும்பங்களின் வீட்டுத் தேவையை பூர்த்தி செய்யும் நிரந்தர வீடுகள் நிர்மாணித்து பாவனைக்கு கையளிக்கும் நிகழ்வொன்று முன்னெடுக்கப்பட்டுள்ளது.

குறித்த நிகழ்வு திருகோணமலை மக்கள் சேவை மன்றத்தின் தலைவர் எம். ரீ. ஏம். பாரிஸ் தலைமையில் இடம்பெற்றுள்ளது.

யுத்தம் மற்றும் பொருளாதார ரீதியில் பாதிக்கப்பட்டு மிக நீண்டகாலம் நிரந்தர வீடுகள் இன்றி கஷ்டம் அனுபவிக்கும் குடும்பங்களுக்கு நிரந்தர வீடுகள் அமைத்துக் கொடுக்கும் திட்டத்தின் கீழ் 4ம் கட்டத்தில் 25 வீடுகள் நிர்மாணிக்கும் செயற்பாடுகள் முன்னெடுக்கபட்டன.

வீடுகள் வழங்கி வைப்பு

பெல்ஜிய நாட்டு தன்னார்வத் தொண்டு நிறுவனமான செலவிப் (SELAVIP) நிறுவனத்தின் நிதிப் பங்களிப்புடன் மேற்கொள்ளப்பட்டுவரும் வாழ்வதற்கான இல்லறம் செயற்றிட்டத்தின் முதற்கட்டமாக ஆறு பயனாளிகளுக்கு இந்த வீடுகள் கையளிக்கப்பட்டன.

வறுமைக் கோட்டின் கீழ் வாழும் குடும்பங்களுக்கு நிரந்தர வீடு வழங்கி வைப்பு | Permanent Houses For Families Living Poverty Line

திருகோணமலை மாவட்டத்தில் விளாங்குளம், இலுப்பைக்குளம், சல்லி மற்றும் ஆத்திமோட்டை ஆகிய கிராமங்களில் உள்ள பயனாளிகளுக்கு குறித்த வீடுகள் வழங்கி வைக்கப்பட்டுள்ளன.

இதேவேளை, திருகோணமலை மக்கள் சேவை மன்றம் இதுவரைக்கும் ஏறத்தாழ 150 இற்கும் மேற்பட்ட நிரந்தர வீடற்றவர்களுக்கு உள்ளுர் மற்றும் சர்வதேச தொண்டு நிறுவனங்களின் உதவியுடன் வீடுகள் வழங்கி வைக்கப்பட்டுள்ளது என்பது குறிப்பிடத்தக்கதாகும்.