இலங்கையில் தனிநபரின் கைத்தொலைபேசியை பரிசோதிக்க காவல்துறைக்கு பூரண அதிகாரம்!
குற்றவியல் விசாரணைகளின் போது சட்ட நடைமுறைகள் மற்றும் நீதிமன்ற உத்தரவுகளுக்கு உட்பட்டு இலங்கை பிரஜையின் கைபேசிகளைக் கைப்பற்றுவதற்கும் அவற்றிலுள்ள தரவுகளைப் பரிசோதிப்பதற்கும் காவல்துறையினருக்கு பூரண அதிகாரம் உள்ளது என தெரிவிக்கப்பட்டுள்ளது.
காவல்துறை ஊடகப் பேச்சாளர் உதவி காவல்துறை அத்தியட்சகர் (ASP) எஃப்.யு. வூட்லர் (F.U. Wootler) இதனை தெரிவித்துள்ளார்.
சாதாரண பிரஜை ஒருவரின் கைபேசியைப் காவல்துறையினர் பரிசோதிக்க முடியுமா என்பது குறித்து அவரிடம் கேள்வி எழுப்பப்பட்டுள்ளது.
குற்றவியல் விசாரணை
குறித்த கேள்விக்கு பதில் அளிக்கும் போதே அவர் இதனை தெரிவித்துள்ளார்.
இது தொடர்பில் மேலும் தெரிவித்த அவர், கைபேசி தொடர்பான தகவல்கள் ஒரு குற்றவியல் விசாரணைக்கு அவசியமாகும் பட்சத்தில் சட்டத்திற்கு உட்பட்டே அத்தகைய நடவடிக்கைகள் முன்னெடுக்கப்படும்.
விசாரணைக்குத் தேவையான கைபேசிகளைப் காவல்துறையினர் தங்களது பொறுப்பில் எடுத்து அவற்றைச் சான்றுகளாக (Exhibits) நீதிமன்றத்தில் சமர்ப்பிப்பார்கள்.
அதன் பின்னரே சாட்சியங்களைத் திரட்டுவதற்காக அவற்றிலுள்ள தரவுகள் பரிசோதிக்கப்படும்.
குற்றவியல் நடைமுறை
பல சந்தர்ப்பங்களில் சாதனங்களின் உள்ளடக்கங்களைப் பரிசோதிக்க நிபுணர் பகுப்பாய்வு (Expert Analysis) அவசியமாகிறது.
எனவே, நாங்கள் எப்போதும் நீதிமன்ற உத்தரவுகளுக்கு அமைவாகவே செயல்படுகிறோம்.
காவல்துறை கட்டளைச் சட்டம் மற்றும் குற்றவியல் நடைமுறைச் சட்டக்கோவையின் விதிகளின் கீழ் குறிப்பாகப் பாரிய குற்றங்கள் குறித்து விசாரணை நடத்தும் போதே இத்தகைய சோதனைகள் நடத்தப்படுகின்றன.
போதைப்பொருள் கடத்தல், சட்டவிரோத துப்பாக்கிகள் புழக்கம் மற்றும் பிற கடுமையான குற்றச் செயல்களுக்குக் கைபேசிகள் பயன்படுத்தப்படுவதால் அவற்றை ஆய்வு செய்வது சாட்சியங்களைத் திரட்டவும் நீதியை நடைமுறைப்படுத்தவும் பெரிதும் உதவுகிறது.
பொது அமைதி
பொது அமைதியைப் பேணுவதும் குற்றச் செயல்களைத் தடுப்பதுமே இத்தகைய விசாரணைகளின் முதன்மை நோக்கமாகும்.
நாட்டின் ஒவ்வொரு பிரஜையின் கைபேசியையும் பரிசோதிக்க வேண்டிய அவசியம் காவல்துறையினருக்கு இல்லை.
நாங்கள் நீதிமன்ற உத்தரவுகளின் பேரிலேயே செயல்படுகிறோம் இருப்பினும் குற்றங்களைத் தடுப்பதற்காக காவல்துறை கட்டளைச் சட்டம் மற்றும் குற்றவியல் நடைமுறைச் சட்டக்கோவைக்கு அமைவாகத் தேவையான நடவடிக்கைகளை நாங்கள் எடுத்தாக வேண்டும்.
அத்தோடு சட்டத்தின் சட்டகத்திற்குள்ளேயே விசாரணைகள் நடத்தப்படும்” என தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
மானிப்பாய், Florida, United States, Southgate, United Kingdom
24 Sep, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026