ஜனநாயக மக்கள் முன்னணியின் உப தலைவர் - பிரச்சார செயலாளர் நியமனம்

ஜனநாயக மக்கள் முன்னணியின் அரசியல் குழு, கட்சியின் தலைவர் நாடாளுமன்ற உறுப்பினர் மனோ கணேசன் தலைமையில் கூடியது.

குறித்த கூட்டம் இன்று (22) கொழும்பில் இடம்பெற்றுள்ளது.

தமிழ் முற்போக்கு கூட்டணியின் பிரதான பங்காளி கட்சியான ஜனநாயக மக்கள் முன்னணி ஜனாதிபதி தேர்தல் மற்றும் பொதுத் தேர்தல்களில் ஐக்கிய மக்கள் கூட்டணியில் தேர்தல்களுக்கு முகம் கொடுத்திருந்தது.

தனது நாட்டு விமானத்தையே சுட்டு வீழ்த்தியது அமெரிக்கா!

ஜனநாயக மக்கள் முன்னணி

இக்கூட்டத்தில் கட்சியின் பொதுச் செயலாளர் முருகேசு பரணிதரன், தவிசாளர் ஜெயபாலன், நிதி செயலாளர் கணேசன், இணை உப தலைவர் சசிகுமார், நிர்வாக செயலாளர் பிரியாணி உட்பட கொழும்பு, கம்பஹா, இரத்தினபுரி, கேகாலை, கண்டி, களுத்துறை, மாத்தளை, ஆகிய மாவட்ட அமைப்பாளர்கள், பிரதிநிதிகள் அடங்கிய அரசியல் குழு உறுப்பினர்கள் கலந்து கொண்டிருந்தார்கள்.

நடைபெற்ற தேர்தல்கள், நாடு முழுவதும் கட்சியின் வியூகங்கள் தொடர்பாகவும் இங்கு கலந்துரையாடப்பட்டுள்ளது.

பல சவால்களுக்கு மத்தியிலும் கட்சி சார்பாக போட்டியிட்ட வேட்பாளர்கள் கணிசமான வாக்குகளை பெற்றுக் கொண்டமை தொடர்பாகவும், எதிர்வரும் உள்ளூராட்சி சபை தேர்தல்களில் போட்டியிடவுள்ள திட்டங்கள் பற்றியும் தீர்க்கமாக கலந்துரையாடப்பட்டுள்ளதுடன் உள்ளூராட்சி தேர்தல்கள் தொடர்பில் பல சாத்தியங்கள் ஆராயப்பட்டன.

தனித்து ஜனநாயக மக்கள் முன்னணியின் ஏணி சின்னத்தில், தமிழ் முற்போக்கு கூட்டணியாக மின்சூழ் (டோர்ச்லைற்) சின்னத்தில் அல்லது ஐக்கிய மக்கள் சக்தியின் தொலைபேசி சின்னத்தில் களம் இறங்குவது என்ற பல சாத்திய, சாதக பாதகங்கள் ஆராயபட்டன.

கட்சியின் சர்வதேச தொடர்பாடல்கள் விவகார உப தலைவராக பாரத் அருள்சாமி, கட்சியின் பிரச்சார செயலாளராக ARV லோஷன், உதவி செயலாளராக பாலசுரேஷ் குமார் ஆகியோர், தலைவர் மனோ கணேசன் அவர்களினால் பிரேரிக்கபட்டு அரசியல் குழுவினால் ஏகமனதாக ஆமோதிக்கப்பட்டு தேர்ந்தெடுக்கப்பட்டனர்.

இன்றைய ஜனநாயக மக்கள் முன்னணியின் தேசிய அரசியல் குழு கூட்டத்தை அடுத்து எதிர்வரும், வாரங்களில் அனைத்து மாவட்ட அரசியல் குழு கூட்டங்களும் நடைபெறுமென தெரிவிக்கப்பட்டுள்ளமை குறிப்பிடத்தக்கது.

ஹட்டன் பேருந்து விபத்துடன் தொடர்புடைய சாரதிக்கு விளக்கமறியல்!

புதிய அரசியல் சீர்த்திருத்தங்கள் : ஜனாதிபதியிடம் விடுக்கப்பட்டுள்ள கோரிக்கை