சுற்றுலா மையங்களாக போகும் ஜனாதிபதி மாளிகைகள்: அநுர விடுத்துள்ள அழைப்பு
நுவரெலியா, அநுராதபுரம், மஹியங்கனை மற்றும் கதிர்காமம் போன்ற பகுதிகளில் உள்ள ஜனாதிபதி மாளிகைகள் மற்றும் அமைச்சர்களின் உத்தியோகபூர்வ இல்லங்களை சுற்றுலா விடுதிகளாக பயன்படுத்த முதலீடு செய்யுமாறு முதலீட்டாளர்களுக்கு ஜனாதிபதி அழைப்பு விடுத்துள்ளார்.
சுற்றுலாத் துறை மற்றும் தனியார் துறையைச் சேர்ந்த பங்குதாரர்களுடன் 2026 ஆம் ஆண்டுக்கான வரவுசெலவுத் திட்டத்திற்கு முந்தைய கலந்துரையாடலின் போது ஜனாதிபதி அநுர குமார திசாநாயக்க இதனை தெரிவித்துள்ளார்.
இந்தக் கலந்துரையாடல் நேற்று(29) பிற்பகல் ஜனாதிபதி செயலகத்தில் ஜனாதிபதி தலைமையில் நடைபெற்றுள்ளது.
சுற்றுலாத் துறை இலக்குகள்
அதன்போது, 2026 ஆம் ஆண்டுக்குள் சுற்றுலாத் துறையில் எதிர்பார்க்கப்படும் இலக்குகளை அடைய விளம்பரத் திட்டங்கள் மட்டும் போதாது என்று கூறிய ஜனாதிபதி, பொது மற்றும் தனியார் துறைகளை இணைத்து ஒரு புதிய மூலோபாயத் திட்டத்தை செயல்படுத்த வேண்டும் என்றும் குறிப்பிட்டுள்ளார்.
மேலும், சுற்றுலாத் துறையில் நடவடிக்கைகளை மேற்கொள்வதில் உள்ள தற்போதைய குறைபாடுகள் மற்றும் சவால்கள் குறித்து பங்குதாரர்கள் ஜனாதிபதியின் கவனத்திற்குக் கொண்டு வந்துள்ளனர்.
அதனைதொடர்ந்து, சுற்றுலாத் துறையின் முன்னேற்றத்திற்கான ஆலோசனைகளை வழங்குமாறு ஜனாதிபதி அவர்களுக்கு அழைப்பு விடுத்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
ரணிலின் கைதும் இந்தியாவின் மௌனத்திற்கான பின்புலமும்
3 நாட்கள் முன்
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025