ஜனாதிபதி தேர்தல் திருவிழா : யாழ்ப்பாணத்தில் அனைத்து ஏற்பாடுகளும் பூர்த்தி

எதிர்வரும் 21 ஆம் திகதி இடம்பெற உள்ள ஜனாதிபதி தேர்தலுக்கான அனைத்து ஏற்பாடுகளும் தயார் செய்யப்பட்டுள்ளதாக மாவட்ட அரசாங்க அதிபரும் தெரிவத்தாட்சி அதிகாரியுமான மருதலிங்கம் பிரதீபன்(piratheepan) தெரிவித்தார்.

யாழ்ப்பாணம்(jaffna) மாவட்ட செயலகத்தில் இன்றைய தினம் இடம்பெற்ற ஊடகவியலாளர் சந்திப்பில் அவர் இதனை தெரிவித்தார்.

வாக்களிக்க தகுதியானோர்

அந்த வகையில் யாழ்ப்பாணம் மாவட்டத்தில் நான்கு லட்சத்து 92 280 பேர் ஜனாதிபதி தேர்தலில் வாக்களிக்க தகுதி பெற்றுள்ளதாக தெரிவித்தார். இவர்களில் குறை நிரப்பு பட்டியலில் இருந்து 2463 பேர் இணைக்கப்பட்டுள்ளர். அதாவது 31 ஆம் திகதி ஐந்தாம் மாதம் 2024 ஆம் ஆண்டு 18 வயதினை பூர்த்தி அடைந்தவர்கள், வாக்காளர்களாக இணைத்துக் கொள்ளப்பட்டுள்ளனர்.

அந்த வகையில் யாழ்ப்பாணம் மாவட்டத்தில் 511 வாக்களிப்பு நிலையங்களில் வாக்களிப்பு செயற்பாடுகள் இடம்பெற உள்ளன. அதற்கான வாக்காளர்களுக்கான அட்டைகள் இன்றைய தினம் தபால் நிலையத்தில் கையளிக்கப்பட்டுள்ளன. நாளை முதல் அதற்கான விநியோகம் மேற்கொள்ளப்பட உள்ளது.

ரணிலின் தோல்வி நாட்டினை பாதிக்கும்! விளக்கும் பிரசன்ன ரணதுங்க

யாழ்ப்பாணம் மத்திய கல்லூரி

அதே வகையில் எங்களுடைய மாவட்டத்தில் 1792 பேர், விசேட தேவைக்குரிய வாக்காளர்கள் என அடையாளம் காணப்பட்டுள்ளனர். அவர்கள் தங்களது வாக்கினை சுமுகமான முறையில் அளிப்பதற்கான ஏற்பாடுகளும் செய்யப்பட்டுள்ளது. விசேட தேவைக்குட்பட்டவர்களில் அதாவது, நிரந்தர வலிமை இழப்புக்கு உட்பட்டவர்கள் 262 பேருக்கு தேர்தல் ஆணைக்குழுவில் இருந்து விசேட அடையாள அட்டை கிடைக்கப் பெற்று அவை தற்போது வழங்கப்பட்டுள்ளன. அவர்களுக்கான அடையாள அட்டை கிராம சேவையாளர் ஊடாக வழங்கப்பட்டு வருகிறது.

யாழ்ப்பாணம் மாவட்டத்தை பொறுத்தவரையில் யாழ்ப்பாணம் மத்திய கல்லூரியில், 41 வாக்கு எண்ணும் நிலையங்கள் அமைக்கப்பட உள்ளன. அதேபோல் தபால் வாக்குகளை எண்ணுவதற்காக 14 வாக்கு என்னும் நிலையங்கள் யாழ்ப்பாணம் மத்திய கல்லூரியில் அமைப்பதற்கான ஏற்பாடுகள் செய்யப்பட்டுள்ளன.

தமிழ் மக்களுக்கான தீர்வை முன்வைக்க தயங்கும் ஜனாதிபதி வேட்பாளர்கள்

தபால் மூல வாக்களிப்பு

தபால் மூல வாக்களிப்பு இம்மாதம் நான்காம் திகதி தேர்தல் அலுவலகம் மாவட்ட செயலகம், ஆகியவற்றில் இடம்பெற உள்ளன. ஐந்தாம், ஆறாம் திகதிகளில் ஏனைய திணைக்களங்களுக்கான வாக்களிப்புகள் இடம்பெறுவதற்கான ஏற்பாடுகளும் செய்யப்பட்டுள்ளன, நான்கு மற்றும் ஆறாம் திகதிகளில் காவல்துறை நிலையங்களில் வாக்களிப்பதற்கான ஏற்பாடுகளும் செய்யப்பட்டுள்ளது. இதற்கு மேலாக இதனை தவற விட்டவர்கள், 11 மற்றும் 12ஆம் திகதிகளில் மாவட்டச் செயலகத்தில் மீள் வாக்களிப்பு செய்வதற்கான ஏற்பாடுகளும் ஏற்பாடு செய்யப்பட்டுள்ளது.

யாழ்ப்பாணம் மாவட்டத்தை பொறுத்தவரையில், 21,773 பேர் தபால் மூலம் வாக்களிப்பதற்கு தகுதி பெற்றுள்ளனர். இத்துடன் இன்றைய நிலையில் எமது மாவட்டத்தில், தேர்தல் தொடர்பான ஏழு முறைப்பாடுகள் கிடைக்கப் பெற்றுள்ளன. இவை அனைத்தும் சட்ட மீறல்களாக காணப்படுகின்றன.

கூட்டமைப்புக்குள் வந்தது போலவே சுமந்திரன் விரைவில் துரத்தப்படுவார்...! விடுக்கப்படும் எச்சரிக்கை