யாழில் முன்னெடுக்கப்படும் இந்திய அரசாங்கத்தின் திட்டம்: கிடைத்தது அங்கீகாரம்

Jaffna Sri Lankan Peoples Government Of India

By Dilakshan Jul 02, 2024 08:13 AM GMT

Dilakshan

in சமூகம்

Report

இந்திய அரசாங்கத்தினால் (Government Of India) யாழ்ப்பாண (Jaffna) மாவட்டத்தில் 934 மழைநீர் சேகரிப்புத் தாங்கிகளை அமைப்பதற்கு அமைச்சரவை அங்கீகாரம் கிடைத்துள்ளது.

யாழ்.மாவட்டத்திற்கு சுத்தமான குடிநீரை வழங்குவதற்காக இந்திய அரசினால் வழங்கப்பட்ட நிதியைப் பயன்படுத்தி மாவட்டத்தில் 3,000 மழைநீர் சேகரிப்புத் தொட்டிகளை அமைப்பதற்கு இந்திய அரசாங்கத்துடன் புரிந்துணர்வு ஒப்பந்தத்தில் கையொப்பமிடுவதற்கு 25-10-2016 அன்று அமைச்சரவை அங்கீகாரம் வழங்கியது.

அங்கீகாரம்

மூன்று ஆண்டுகளில் இத்திட்டம் முடிக்கப்பட வேண்டும், ஆனால் நிதி மற்றும் தொழில்நுட்ப சிக்கல்கள் காரணமாக, திட்ட காலத்தை ஜூன் 2024 வரை நீட்டிக்கவும், பெரோ சீமெந்து தொட்டிகளுக்கு பதிலாக 1,831 PVC மழைநீர் தொட்டிகளை நிறுவவும் 10-10-2022 அன்று நடைபெற்ற அமைச்சரவைக் கூட்டத்தில் முடிவு செய்யப்பட்டது.

யாழில் முன்னெடுக்கப்படும் இந்திய அரசாங்கத்தின் திட்டம்: கிடைத்தது அங்கீகாரம் | Project Government Of India In Jaffna

இந்த திட்டத்தின் கீழ் மீதமுள்ள நிதியில் 934 மழைநீர் சேகரிப்பு தொட்டிகளை அமைக்க நீதி, சிறைத்துறை மற்றும் அரசியலமைப்பு சீர்திருத்த அமைச்சர் முன்வைத்த முன்மொழிவுக்கு அமைச்சரவை அங்கீகாரம் வழங்கியுள்ளது.