இந்திய கடற்றொழிலாளர்களுக்கு எதிராக யாழில் முன்னெடுக்கப்பட்ட போராட்டம் : காவல்துறையினரால் பரபரப்பு
இலங்கை கடற்பரப்பிற்குள் அத்துமீறி கடற்றொழிலில் ஈடுபடும் இந்திய கடற்றொழிலாளர்களை தடுத்து நிறுத்த வலியுறுத்தி யாழில் கடற்றொழிலாளர்கள் போராட்டமொன்றை முன்னெடுத்துள்ளனர்.
வட மாகாண கடற்தொழிலாளர் இணையம், தேசிய கடற்றொழிலாளர் ஒத்துழைப்பு இயக்கம் மற்றும் இலங்கை கடற்றொழிலாளர் மக்கள் தொழிற்சங்கம் உள்ளிட்ட கடற்றொழிலாளர் அமைப்புக்கள் இணைந்து யாழ் மாவட்டச் செயலகம் முன்பாக இன்று (05) காலை கவனயீர்ப்பு போராட்டத்தை ஆரம்பித்தனர்.
இதனைத் தொடர்ந்து யாழிலுள்ள இந்திய துணைத் தூதரகம் வரை பேரணியாகச் சென்றிருந்தனர்.
காவல்துறையினர் இடைமறிப்பு
இதன்போது இந்திய துணை தூதரகத்திற்கு செல்லும் வழியில் காவல்துறையினர் இடைமறித்ததால் பெரும் பரபரப்பு ஏற்பட்டது.
தூதரகம் முன்பாக பேரணியை செல்லவிடாது வரியல் போட்டு காவல்துறையினர் இடைமறித்ததுடன் கடற்றொழிலாளர் அமைப்புக்களின் எட்டு பிரதிநிதிகளை மட்டும் சந்திப்பதற்கு அனுமதி வழங்கினர்.
இதற்கமைய தூதரகத்திற்குள் சென்ற பிரதிநிதிகள் தங்களது கோரிக்கைகள் அடங்கிய மகஜரொன்றையும் கையளித்தனர்.
பதாதைகளைத் தாங்கியவாறு
இந்த நிலையில் காவல்துறையினரால் இடைமறிக்கப்பட்ட போராட்டக்காரர்கள் 'இலங்கை கடற்றொழிலாளர்களின் கடல் வளத்தை அழிக்காதே', 'தமிழக கடற்றொழிலாளர்களின் அத்துமீறலை தடுத்து நிறுத்து', 'கடற்றொழிலாளர்களின் வாழ்வாதாரத்தை அழிக்காதே' உள்ளிட்ட பல்வேறு வாசகங்கள் எழுதப்பட்ட பதாகைகளைத் தாங்கியவாறு இலங்கை இந்திய அரசுகளுக்கு எதிராக கோசங்களை எழுப்பியவாறு போராட்டத்தில் ஈடுபட்டிருந்தனர்.
மேலும் இந்த நாட்டில் வாழுகி்ன்ற நாங்கள் எங்களது பாதுகாப்பையும் உரிமையையும் வலியுறுத்தி தரையில் போராட்டத்தை நடாத்துகிற போது கம்பிக்கூடுகளை வைத்து எங்களை தடுத்து நிறுத்துகின்ற சிறிலங்கா படைகள் கடலில் எங்கள் பகுதியில் அத்துமீறி எங்களையே தாக்குகிற இந்திய கடற்றொழிலாளர்களை ஏன் தடுத்து நிறுத்த முடியாதுள்ளது என கேள்வி எழுப்பினர்.
இதேவேளை கடற்றொழிலாளர்களாகிய எங்களை கட்டுப்படுத்த முன்னர் இந்தியர்களை கட்டுப்படுத்துங்கள் எனவும் கோரிக்கை விடுத்திருந்தமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
அங்கீகரிக்கப்படாத தேசத்தின் அங்கீகரிக்கப்பட்ட இராஜதந்திரி
2 நாட்கள் முன்
மாகாண சபையை அரசியல் தீர்வாக திணிக்கப்படுவது தவறு...
4 நாட்கள் முன்
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
அச்சுவேலி, Woodbridge, Canada
18 Dec, 2010
புங்குடுதீவு 3ம் வட்டாரம், யாழ்ப்பாணம், நீர்கொழும்பு, பிரான்ஸ், France
16 Dec, 2016
நயினாதீவு 5ம் வட்டாரம், நயினாதீவு 2ம் வட்டாரம், கோண்டாவில், Toronto, Canada, Montreal, Canada, London, United Kingdom
04 Dec, 2025
