ரம்புட்டானால் பறிபோன ஐந்து வயது குழந்தையின் உயிர்
வீட்டில் ரம்புட்டான் பழத்தை ருசித்துக் கொண்டிருந்த ஐந்து வயது குழந்தை இன்று (07) மதியம் ரம்புட்டான் விதை தொண்டையில் சிக்கி உயிரிழந்த துயர சம்பவமொன்று இடம்பெற்றுள்ளது.
இந்த துரதிஷ்டவசமான சம்பவம் மித்தெனிய, பல்லேயில் உள்ள ஜூலம்பிட்டிய பகுதியில் இருந்து பதிவாகியுள்ளது.
தொண்டையில் சிக்கிய ரம்புட்டான் விதை
வீட்டிற்கு கொண்டு வரப்பட்ட பல ரம்புட்டான்களை ருசித்துக் கொண்டிருந்த குழந்தையின் தொண்டையில் ரம்புட்டான் விதை சிக்கியதை அறிந்ததும், குடியிருப்பாளர்கள் உடனடியாக குழந்தையை வாலஸ் முல் அடிப்படை மருத்துவமனைக்கு அழைத்துச் சென்றனர், ஆனால் அந்த குழந்தை ஏற்கனவே இறந்துவிட்டதாக மருத்துவமனை செய்தித் தொடர்பாளர் ஒருவர் தெரிவித்தார்.
இறந்தவர் மூன்று குழந்தைகளைக் கொண்ட குடும்பத்தில் இளையவர்.
குழந்தையின் இழப்பைத் தாங்க முடியாமல் தாயும் மருத்துவமனையில்
இறந்த குழந்தையின் உடல் பிரேத பரிசோதனைக்காக தங்காலை அடிப்படை மருத்துவமனைக்கு அனுப்பப்பட்டுள்ளதாக மருத்துவமனை செய்தித் தொடர்பாளர் மேலும் தெரிவித்தார்.
மேலும், குழந்தையின் இழப்பைத் தாங்க முடியாமல் தாயும் மருத்துவமனையில் சிகிச்சை பெற்று வருவதாக அவர் கூறினார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
உலகின் ஒளியூடகங்களில் ஒளிர்ந்த தலைவனின் அந்த வீரச் சிரிப்பு… 13 மணி நேரம் முன்
புங்குடுதீவு 4ம் வட்டாரம், பரிஸ், France, சூரிச், Switzerland
10 Apr, 2022
