ஆசியாவின் சிறந்த தலைவர் ரணில்: விஜயகலா மகேஸ்வரன் புகழாரம்!

தேர்தலில் படுதோல்வியடைந்தும் இன்று ஒரு ஆசனத்துடன் ஆசியாவின் சிறந்த தலைவராக அதிபர் ரணில் விக்ரமசிங்க (Ranil Wickremesinghe) மக்களுக்காக சேவையாற்றி வருவதாக முன்னாள் இராஜாங்க அமைச்சர் விஜயகலா மகேஸ்வரன் (Vijayakala Maheswaran) தெரிவித்துள்ளார்.

யாழ் மாவட்டத்தில் அதிபரால் பயனாளிகளுக்கான காணி உறுதிப்பத்திரங்கள் வழங்கி வைக்கும் நிகழ்வில் கலந்து, உரையாற்றும் போதே அவர் இதனை குறிப்பிட்டுள்ளார்.

இது தொடர்பில் அவர் மேலும் தெரிவிக்கையில், “கடந்த காலத்தில் எமது ஐக்கிய தேசிய கட்சி தோற்ற பின்னர் எமது நடவடிக்கை அமைதியாகவே இருந்தது. 

வடக்கில் தொடரும் நீண்ட கால பிரச்சினைக்கு தீர்வு: ரணிலின் அதிரடி நடவடிக்கை

சிறந்த தலைவர்

கடந்த 2020 ஆம் ஆண்டு படுதோல்வியை ஐக்கிய தேசிய கட்சி எதிர்கொண்டது. கொரோனா இடர், கட்சிக்குள் கருத்து வேறுபாடு காரணமாக பலர் எங்களிடம் இருந்து பிரிந்து போன நிலையிலும் நாங்கள் கட்சியினை விட்டு வெளியே போகவில்லை.

ஆனால் எமது அதிபர் ஆசியாவில் படித்த ஒரு சிறந்த தலைவர். ரணில் விக்ரமசிங்கவின் பதவியேற்றல் வைபவத்தின் பின்னர் இது என்னுடைய முதலாவது பேச்சு தேசிய பட்டியலில் தான் அவர் நாடாளுமன்றம் சென்றார்.

இந்தோனேசியாவில் ரணில்: சந்திரிக்காவுடன் இடம்பெற்ற இரகசிய பேச்சுவார்த்தை

 பிழையான தலைவர்கள்

கடந்த காலங்களில் பிழையாக நீங்கள் வாக்களித்ததால் தான் பல பிழையான தலைவர்கள் ஆட்சிக்கு வந்தார்கள். கடந்த கால அரச தலைவர்கள் கோட்டாபய (Gotabaya Rajapaksa) போன்றவர்களால் நாடு சோமாலியாவாக மாறியது.

எமது தலைவர் கொரோனா காலத்தில் தடுப்பு மருந்தின் பின்னர் நாடாளுமன்ற தேர்தலை நடாத்துமாறு கோரியிருந்தார் ஆனால் தேர்தல் நடாத்தப்பட்டது.

நடாத்தப்பட்ட தேர்தல் ஏற்பட்ட செலவீனம் தொடர்ச்சியாக ஆட்சி அமைத்தவர்களால் நாட்டினை கொண்டு நடாத்த முடியாது போனது.

தேசிய வைத்தியசாலையாக தரமுயர்த்தப்படவுள்ள யாழ் போதனா வைத்தியசாலை: அதிபர் ரணில் உறுதி

இறுதி தேர்தல் 

இன்று அனுர குமார திசாநாயக்க (Anura Kumara Dissanayake) , சஜித்(Sajith Premadasa) என பலர் தேர்தலில் போட்டியிட வருகின்றார்கள். அன்று பலர் அந்த பொறுப்பினை எடுக்கும் வாய்ப்பு இருந்த போதும் அதனை எடுக்கவில்லை. ஆனால் எமது தலைவர் அதனை எடுத்தார்.

அடுத்த தேர்தலே எனதும் அரசியல் பயணத்தின் இறுதி தேர்தல் அதிலிருந்து நானும் அரசியலில் இருந்து விலகி விடுவேன்” என அவர் தெரிவித்துள்ளார்.

அதிபரின் பதவிக்காலம் நீடிக்கப்படுமா...! வெளியானது தகவல்