வடக்கில் தொடரும் நீண்ட கால பிரச்சினைக்கு தீர்வு: ரணிலின் அதிரடி நடவடிக்கை

Jaffna Sri Lanka Northern Province of Sri Lanka P. S. M. Charles

By Laksi May 24, 2024 04:27 PM GMT

Laksi

in அரசியல்

Report

நீண்ட கால பிரச்சினைக்கான தீர்வை காணும் நோக்கில் அதிபர் ரணில் விக்ரமசிங்க (Ranil Wickremesinghe) காணி உறுதிகளை வழங்குவதாக வடக்கு மாகாண ஆளுநர் தெரிவித்துள்ளார்.

இதற்கமைய, 20 இலட்சம் காணி உறுதிகளை வழங்கும் தேசிய நிகழ்ச்சி திட்டத்தின் கீழ் யாழ் மாவட்டத்தில் 1286 பயனாளிகளுக்கான காணி உறுதிப்பத்திரங்கள் வழங்கும் நடவடிக்கையின் முதற் கட்டமாக 372 பயனாளிகளுக்கான இன்று ரணில் விக்ரமசிங்கவால் காணி உறுதிகள் கையளிக்கப்பட்டுள்ளன.

இந்நிகழ்வானது இன்று (24) யாழ்ப்பாணம் (Jaffna) தந்தை செல்வா கலையரங்கில் நடைபெற்றுள்ளது.

ரணில் நடவடிக்கை

வடக்கு மாகாண ஆளுநர் பி.எஸ்.எம். சார்ள்ஸ் (P.S.M. Charles), அமைச்சர் டக்ளஸ் தேவானந்தா (Douglas Devananda), நாடாளுமன்ற உறுப்பினர்களான எம்.ஏ. சுமந்திரன் (M. A. Sumanthiran), தர்மலிங்கம் சித்தார்த்தன் (Dharmalingam Siddarthan), முன்னாள் இராஜாங்க அமைச்சர் விஜயகலா மகேஸ்வரன் (Vijayakala Maheswaran ) மற்றும் பொதுமக்கள் என பலர் இந்நிகழ்வில் கலந்துகொண்டனர்.

வடக்கில் தொடரும் நீண்ட கால பிரச்சினைக்கு தீர்வு: ரணிலின் அதிரடி நடவடிக்கை | Ranil Gave Land Title Deeds Tobeneficiaries Jaffna

இதன்போது, உரையாற்றிய வடக்கு மாகாண ஆளுநர், நாட்டு மக்கள் மிக நீண்ட காலமாக எதிர்நோக்கிய காணி உரிமம் தொடர்பான பிரச்சினைக்கு தீர்வு வழங்கும் வகையில் அதிபர் ரணில் விக்ரமசிங்க நடவடிக்கை எடுத்துள்ளமை சிறப்பான விடயம் என கூறியுள்ளார்.

காணி உறுதிப்பத்திரங்கள்

சிறிலங்கா அதிபரின் கனவு திட்டமான இந்த திட்டத்தின் பயனாளர்கள், அதன் பயனை தமது அடுத்த சந்ததியினருக்கும் கொண்டு செல்லும் வகையில் செயற்பட வேண்டும் என பி.எஸ்.எம். சார்ள்ஸ் குறிப்பிட்டுள்ளார்.

அத்துடன், எதிர்வரும் இரண்டு நாட்களுக்குள் வடக்கு மாகாணத்திலுள்ள 5000 பேருக்கான காணி உறுதிப்பத்திரங்கள் வழங்கி வைக்கப்படவுள்ளதாகவும் அவர் தெரிவித்துள்ளார்.